9:417  417  VALENTINI  GENTILIS.  418  Sponte  tamen  confessus  est,  ex  quo  ita  se  obligaverat,  reversum  fuisse  ad  pristinos  errores,  et  eos  disseminasse,  ut  quoscunque  posset  alliceret:  idque  eo  praetextu,  quod  sophisticum  commentum  [pag.  i  OO]  esset,  attribuere  patri  propriam  personam  in  essentia  deitatis.  Praeterea  quum  in  carcere  admonitus  fuerit  tam  a  Dominis  nostris,  quam  a  verbi  ministris,  aliisque  doctis  hominibus,  atque  etiam  abunde  convictus  scripturae  testimoniis,  noluit  tamen  per  aliquod  tempus  culpam  agnoscere.  Imo  perstitit  tam  sermone  quam  scriptis  obstinate  et  impudenter  impietatem  suam  asserere,  convicia  etiam  et  blasphemias  addendo,  nos  fingere  quaternitatem,  duos  patres,  et  deum  Turcarum.  Ita  arroganter  ausus  est  tam  huic  ecclesiae,  quam  omnibus  aliis  piis  et  orthodoxis  maledicere,  turbandae  ecclesiae  et  excitandi  schismatis  consilio.  Tandem  sponte  confessus  est  se  in  his  rebus  graviter  peccasse,  et  ecclesiam  haeretica  impietate  offendisse,  ac  se  poemtmfda  tangi,  seque  fateri  haereticum:  nec  sermone  modo,  sed  etiam  [pag.  io  i]  scripto  abiuravit  suos  errores,  et  agnovit  in  hac  ecclesia  puram  et  orthodoxam  fidem  doceri.  SENTENTIA.  Nos  Syndici,  iudices  causarum  criminalium  in  hac  urbe,  viso  processu  criminali  coram  nobis  formato,  ad  instantiam  et  prosequutionem  Iurispraefecti,  contra  te  Valentinum  Gentilem,  ex  quo  et  voluntariis  tuis  confessionibus  inter  manus  nostras  saepius  iteratis  certo  constat  et  liquet  te  aggressum  esse  et  conatum  spargere  haereticam  et  falsam  doctrinam  et  blasphemiis  plenam  contra  sacrum  mysterium  trinitatis,  idque  contra  datam  fidem  et  iusiurandum,  tam  ubi  pollicitus  es  te  fore  nobis  obsequentem  quam  ubi  expresse  abiurasti  tuam  haeresin.  Nihilominus  summa  impudentia  et  arrogantia  conatus  es  coram  nobis  impugnare  rectam  fidem  pro  tua  temeritate  et  impietate.  Atque  hoc  modo  non  solum  periurio  te  implicasti,  sed  te  declarasti  apertum  hostem  et  adversarium  [pag.  102]  Dei  et  ecclesiae:  quod  crimen  detestabile,  et  gravi  poena  corporali  dignum  pronunciamus.  His  iustis  causis  et  aliis  adducti,  sedentes  pro  tribunali,  loco  maiorum  nostrorum,  ac  secundum  antiquum  morem,  participato  cum  civibus  nostris  consilio,  post  invocatum  Dei  nomen,  ut  det  nobis  recte  iudicare,  Deum  et  sacras  scripturas  prae  oculis  habentes,  cum  praefatione  consueta,  in  nomine  patris  et  filii  et  spiritus  sancti,  Amen.  Quamvis  malitia  et  pravitas  qua  usus  es,  merita  sit  ut  extermineris  e  numero  hominum  tanquam  seductor,  haereticus  et  schismaticus:  tamen  habita  ratione  poenitentiae  et  conversionis  tuae,  de  qua  apud  nos  protestatus  es,  simul  ad  misericordiam  magis  quam  ad  rigorem  propensi,  hac  Calvini  opera.  Vol.  IX.