8:417  417  in.  D'ESTRE  EN  L'EGLISE.  418  ne  s'escrie:  Tes  autels,  Seigneur,  ou  sont  tes  autels,  mon  Dieu,  mon  Roy?  Et  de  faict,  les  vanitez  du  monde  regnent  par  trop  en  eulx,  pour  souffrir  que  Dieu  y  soit  obei.  Ce  mot  aussi  est  d'importance,  quand  David  dit  qu'il  a  demande  a  Dieu  la  chose  dont  il  parle:  car  il  sera  facile  de  faire  si  beau  semblant  devant  les  hommes,  qu'on  cuidera  que  ce  soit  tout  feu  de  nous.  Mais  voyci  comme  un  homme  pourra  dire  que  c'est  a  bon  escient  qu'il  desire  d'estre  au  troupeau,  si  en  n'ayant  que  Dieu  pour  son  tesmoing,  il  ha  neantmoins  ceste  affection.  Car  quand  nous  venons  devant  un  tel  iuge,  il  fault  que  toute  hypocrisie  cesse,  et  qu'il  n'y  ait  que  verite  et  rondeur.  Voulons  nous  donc  ensuyvre  l'exemple  de  David?  que  chascun  se  retire  en  sa  conscience,  et,  en  addressant  son  propos  a  Dieu,  qu'il  dise:  Seigneur,  tu  sais  comme  ie  prise  d'estre  en  ton  Eglise  par  dessus  tous  les  biens  de  ce  monde.  Au  reste,  nous  sommes  yci  advertis  aussi  bien  de  ne  point  ronger  nostre  frain  a  gemir  et  nous  lamenter;  mais  que  nous  debvons  iecter  nos  souspirs  droict  a  celuy  qui  peut  remedier  a  nostre  mal.  De  faict,  nous  debvons  bien  scavoir  que  l'horrible  dissipation  qui  est  auiourd'huy  au  monde,  en  ce  que  tout  le  service  de  Dieu  est  corrompu,  que  la  parolle  de  Dieu  est  falsifiee,  les  Sacremens  abastardis,  est  une  iuste  vengeance  sur  nos  pechez.  A  qui  est-ce  donc  que  nous  recourrons  pour  iouir  de  la  pure  doctrine,  des  Sacremens  et  de  la  liberte  d'invoquer  le  nom  de  Dieu  et  faire  confession  de  nostre  foy,  sinon  a  celuy  qui  nous  chastie,  en  nous  privant  de  ces  biens-la?  Et  ne  fault  point  que  la  rigueur  des  chastiemens  de  Dieu  nous  destourne  de  venir  a  luy;  et  tant  moins  debvons-nous  regimber  contre  l'esperon  en  nous  despitant  pour  ne  point  cercher  la  medecine  en  la  main  de  celuy  qui  a  faict  la  playe.  David  certes  entendoit  tresbien  qu'il  n'estoit  point  banni  du  pays  de  Iudee  sans  la  providence  de  Dieu.  Toutesfois,  il  ne  laisse  pas  de  venir  a  luy  et  de  luy  faire  ses  complainctes.  Non  pas  que  ce  ne  luy  soit  une  griefve  tentation  et  dure,  de  se  veoir  dechasse  de  Dieu  en  apparence:  mais  [f.  48]  la  foy  qu'il  ha  en  la  promesse  qui  luy  est  faicte  l'esleve  par  dessus,  pour  supplier  a  Dieu  qu'il  luy  rende  a  tousiours  ce  qu'il  luy  a  oste  pour  un  temps.  Tay  desia  (comme  il  me  semble)  assez  applicque  ceste  doctrine  a  nous,  et  a  la  condition  du  temps  present,  n'estoit  qu'il  y  a  des  esprits  tant  rudes,  qu'on  ne  leur  scauroit  rien  faire  avaller,  sinon  qu'on  leur  masche  et  remasche  les  propos  qu'on  leur  tient.  Combien  (pour  dire  au  vray  ce  qui  en  est)  que  la  rudesse  ne  les  empesche  point,  ni  l'obscurite  de  la  doctrine.  Mais  ils  s'entortillent  d'eulx-mesmes,  cerchans  tous  subterfuges  qu'il  leur  est  possible  d'imaginer,  pour  obscurcir  ce  qui  est  de  soy  tant  et  plus  evident.  Tant  y  a  que  telle  resis-  Gaivini  opera.  Vol  Vill.