6:417  TRAICTE  DES  RELIQUES.  ou  il  estoit  appuye  en  disputant  au  Temple,  avec  unze  autres  semblables  du  Temple  de  Salomon.  Ie  demande  qui  c'est  qui  leur  a  revele  que  Iesus  Christ  fust  appuye  sur  une  coulonme,  car  l'Evangeliste  n'en  parle  point  en  raeomptant  l'histoire  de  ceste  dispute.  Et  n'est  pas  vray-semblable  qu'on  luy  donnast  lieu  comme  a  un  prescheur,  veu  qu'il  n'estoit  pas  en  estime  ne  auctorite,1)  ainsi  qu'il  appert.  Outre-plus,  ie  demande,  encore  qu'il  fust  appuye  sur  une  coulomne,  comment  est-ce  qu'ilz  savent  que  ce  fust  ceste  la?  Tiercement,  dont  estce  qu'ilz  ont  eu  ces  douze  coulomnes,  qu'ilz  disent  estre  du  Temple  de  Salomon?  Il  y  a  puis  apres  les  cruches  ou  estoit  Peaue  que  Iesus  Christ  changea  en  vin  aux  nopces  en  Canna  de  Galilee,  lesquelles  ilz  appellent  hydries.  Ie  voudroys  bien  savoir  qui  en  a  este  le  gardien  par  si  long  temps  pour  les  distribuer?  Car  il  nous  faut  tousiours  [page  23]  noter  cela,  qu'elles  ont  este  trouvees  seulement  huyt  cens  ans  ou  mille  apres  que  le  miracle  a  este  faict.  Ie  ne  scay  point  tous  les  lieux  ou  on  les  monstre.  Ie  scay  bien  qu'il  y  en  a  a  Pise,  a  Ravenne,  a  Cluny,  a  Angiers,  a  sainct  Salvador  en  Hespaigne.  Mais  sans  en  faire  plus  long  propos,  il  est  facile,  par  la  veue  seule,  de  les  convaincre  de  mensonge.  Car  les  unes  ne  tiennent  point  plus  de  cinq  quartes  de  vin,  tout  au  plus  haut;  les  autres  encore  moins,  et  les  autres  tiennent  environ  un  muys.2)  Qu'on  accorde  ces  Jfleuttes,  si  on  peut;  et  lors  ie  leur  laisseray  leurs  hydries,  sans  leur  en  faire  controversie.  Mais  ilz  n'ont  pas  este  contens  seulement  du  vaisseau,  s'ilz  n'en  avoyent  quant  et  quant  le  brevage.  Car  a  Oiieans  ilz  se  disent  avoir  du  vin,  lequel  ilz  nomment  de  l'Architriclin.  Car  pource  que  S.  Iehan,8)  recitant  le  miracle,  parle  de  l'Architriclin,  qui  est  a  dire  maistre  d'hostel,4)  il  leur  a  semble  advis  que  c'estoit  le  nom  propre  de  l'espouse:5)  et  entretiennent  le  peuple  en  ceste  bestise.  Une  [page  24]  foys  Tan,  ilz  font  lescher  le  bout  d'une  petite  coulliere  a  ceux  qui  leur  veulent  apporter  leur  offrande,  leur  disant  qu'ilz  leur  donnent  a  boire  du  vin  que  nostre  Seigneur  feit  au  banquet;  et  iamais  la  quantite  ne  s'en  diminue,  moyennant  qu'on  remplisse  bien  le  gobbelet.  Ie  ne  say  de  quelle  grandeur  sont  ses  soliers,  qu'on  dit  estre  a  Rome  au  lieu  nomme  Sancta  Sanctorum,  et  s'il  les  a  portez  en  son  enfance,  ou  estant  desia  homme.  Et  quand  tout  est  1)  ny  en  authorite  1563  suiv.  2)  Aliae  enim  non  sunt  congio  capaciores  aut  paulo  plus;  aliae  minus,  aliae  octo  amphoras  continere  possunt.  G.  3)  l'Evangeliste  sainct  Iean  1563  ss.  4)  Ces  mots:  Car  pource  que  .  .  .  .  maistre  d'hostel,  manquent  dans  le  texte  latin.  5)  l'espouse  1543;  l'espouse  1544;  l'espoux  1563  suiv.  Calvini  opera.  Vol  VI.