55:417  417  CAPUT  IV.  418  latione  revocet.  Continuativa  particula  Se,  adversativam  valet  aXXa,  vel  aiii  ye.  Itaque  verti  quin.  7.  Subiecti  igitur  estote  Deo.  Resistite  diabolo,  ��i  fugiet  a  vobis.  8.  Appropinquate  Deo,  et  appropinquabit  vobis.  Mundate  manus,  peccatores:  purificate  corda,  duplici  animo.  9.  Affligimini,  lugete,  et  plorate:  risus  vester  in  ludum  vertatur,  et  gaudium  in  moerorem.  10.  Humiliamini  coram  Deo,  et  eriget  vos.  7.  Subiecti  igitur.  Subiectio  ista,  quam  commendat,  humilitatis  est.  Neque  enim  generaliter  hortatur  ut  pareamus  Deo,  sed  requirit  submissionem  :  quia  spiritus  Domini  super  humiles  et  quietos  requiescit.  Ideo  utitur  illativa  particula.  Nam  quia  Dei  spiritum  in  gratiis  augendis  liberalem  praedicaverat,  ex  eo  colligit,  debere  igitur  nos  aemulatione  posita  subiici  Deo  Multi  codices  interpositam  hanc  sententiam  habent,  Quapropter  dicit,  Deus  superbis  resistit,  humilibus  vero  dat  gratiam.  Sed  quum  in  aliis  non  legatur:  suspicatur  Erasmus,  a  studioso  quopiam  annotatam  in  margine,  postea  in  contextum  obrepsisse.  Atqui  fieri  potest:  quamquam  non  male  quadraret  orationis  contextui,  Nam  quod  absurdum  esse  quidam  putant,  citari  ^tanquam  ex  scriptura,  quod  non  nisi  apud  Petrum  exstat,  facile  diluitur.  Quin  potius  coniicio,  ex  communi  scripturae  doctrina,  hanc  quasi  proverbialem  sententiam  tunc  fuisse  tritam  inter  Iudaeos.  Et  sane  nihil  continet,  nisi  quod  Psalmo  18,  28,  habetur:  Populum  humilem  servabis  Domine,  et  oculos  superborum  deiicies:  et  aliis  compluribus  locis.  Resistite  diabolo.  Ostendit  quorsum  conferre  deceat  nostram  contentionem:  quemadmodum  Paulus  certamen  nobis  cum  carne  et  sanguine  esse  negat,  sed  nos  ad  spiritualem  pugnam  acuit  (Ephes.  6,  12).  Ergo  ubi  modestiam  erga  homines,  erga  Deum  submissionem  docuit,  Satanam  proponit  hostem,  in  quem  insurgere  deceat.  Promissio  tamen  quam  addit  de  fuga  Satanae  videtur  quotidiana  experientia  refutari.  Certum  enim  est,  quo  quisque  fortius  repugnat,  eo  acrius  urgeri.  Ludit  enim  quodammodo  Satan  ubi  non  repellitur  serio  conflictu:  sed  adversus  renitentes  quidquid  habet  roboris  explicat.  Deinde  pugnando  nunquam  fatigatur:  sed  uno  proelio  victus,  aliud  subinde  renovat.  Respondeo,  fugam  loco  profligationis  accipi.  Et  sane  quamvis  continuos  insultus  repetat,  semper  tamen  exclusus  discedit.  8.  Appropinquate  Deo.  Iterum  admonet,  non  defuturum  nobis  Dei  auxilium,  modo  locum  illi  demus.  Nam  quum  appropinquare  Deo  iubet,  ut  illum  propinquum  sentiamus,  significat  nos  eius  gratia  destitui,  quia  nos  subducimus.  Deo  autem  a  partibus  nostris  stante,  non  est  cur  succumbere  metuamus.  Caeterum  si  quis  ex  hoc  loco  inferat  Calvini  opera.  Vol.  LV.