54:417  417  SUR  L'EPITRE  A  TITE.  418  QUATRIEME  SERMON.  Chap.  I,  v.  5.6.  Nous  avons  commence  a  monstrer  ce  matin,  que  c'est  un  ouvrage  bien  difficile  d'edifier  l'Eglise  de  Dieu,  et  qu'on  n'en  pourroit  venir  a  bout  en  un  iour,  ni  en  peu  de  temps.  Ainsi  il  faut  poursuyvre:  et  la  vie  d'un  homme  ne  suffiroit  point  a  cela.  Vray  est  que  Dieu  pourroit  amener  les  siens  a  perfection  quand  bon  luy  sembleroit  :  mais  il  nous  veut  mener  par  degrez  et  compas,  et  le  tout  afin  de  nous  humilier,  et  que  nous  cognoissions  iournellement  nos  povretez  pour  gemir  sous  icelles,  et  qu'en  cheminant  par  ce  monde  nous  ayons  tousiours  recours  a  luy  scachans  que  ce  qu'il  a  commence  en  nous  n'est  rien,  iusques  a  ce  qu'il  y  mette  la  derniere  main,  comme  on  dit.  Et  mesmes  d'autant  qu'un  chacun  de  nous  doit  estre  temple  du  sainct  Esprit,  travaillons  en  cest  edifice.  Car  comme  Dieu  a  mis  ceux  qu'il  a  appelez  pour  prescher  sa  Parole,  comme  les  macons  pour  edifier  son  temple:  aussi  il  veut  qu'un  chacun  y  mette  la  main  en  son  endroit.  Et  cependant  notons  aussi  que  c'est  l'edifice  commun  de  toute  l'Eglise,  et  qu'un  chacun  s'y  doit  employer:  car  entant  qu'en  nous  est,  nous  devons  amener  les  ��hoses  plus  outre.  Et  ceux  qui  se  plaisent  a  l'estat  presents  s'abusent  par  trop,  c'est  signe  qu'ils  n'ont  pas  encores  regarde  a  quoy  Dieu  les  appelle,  et  qu'ils  n'ont  pas  bien  examine  ce  qui  est  en  eux:  ��ar  nous  sommes  bien  loin  du  but  il  nous  faut  aspirer.  Et  ainsi  tendons-y  tant  qu'il  nous  sera  possible,  et  pensons  bien  a  ce  qui  nous  defaut.  Quand  Dieu  nous  aura  fait  la  grace  que  sa  Parole  nous  sera  purement  anoncee,  qu'il  y  aura  quelque  ordre  passable  entre  nous,  advisons  s'il  n'y  a  pas  encores  a  redire:  nous  trouverons  que  ce  n'est  iamais  fait.  Or  cela  ne  nous  doit  point  amoindrir  le  courage,  mais  plustost  il  nous  doit  picquer  et  soliciter  a  faire  ce  que  nous  dit  ici  sainct  Paul,  de  Tenir  a  ceste  addresse.  Mais  quoy?  Nous  voyons  ei  tost  que  Dieu  aura  commence  de  bastir  son  Eglise  au  milieu  de  nous,  que  les  hommes  ne  demandent  qu'a  tout  ruiner.  Quoy  qu'il  en  soit,  qui  est-ce  qui  pense  a  ce  qui  nous  defaut?  Mais  au  contraire,  nous  ne  pouvons  pas  souffrir  l'estat  tel  qu'il  sera,  c'est  a  dire  bien  debile,  que  chacun  se  plaindra  que  le  ioug  de  Iesus  Christ  luy  est  trop  pesant,  et  si  nous  avons  quelque  police  (combien  que  ce  ne  soit  rien),  si  est-ce  qu'on  ne  la  peut  porter:  Ho,  voila,  si  telle  rigueur  dure,  que  serace  ?  Si  on  fait  semblant  de  reprimer  les  blasphemes,  Ho,  il  se  faut  garder  de  trop  grande  rigueur:  car  a  qui  est-ce  qu'il  n'adviendra?  Si  on  parle  des  autres  dissolutions,  Et  comment?  Il  ne  sera  plus  Calvini  opera.  Vol.  LIV.