52:417  417  CAPUT  II.  418  agitur  hic  de  valetudine  corporis,  sed  de  conscientiae  quiete,  non  aliud  intelligit,  quam  ciborum  discrimen,  quod  sub  lege  valuit,  esse  iam  sublatum.  Eadem  tamen  ratione  constat,  perperam  facere  eos,  qui  religionem  hac  in  parto  conscientiis  iniiciunt.  Est  enim  haec  non  unius  saeculi  doctrina,  sed  aeternum  spiritus  sancti  oraculum,  cui  nulla  nova  lege  derogare  fas  est.  Quare  hoc  usque  ad  finem  mundi  verum  esse  oportet,  nullius  cibi  usum  coram  Deo  illicitum  esse.  Ideo  apte  et  congruenter  hic  locus  adversus  tyrannicam  papae  legem  citatur,  quae  carnium  esum  certis  temporibus  prohibet.  Neque  vero  me  latet  quid  cavillentur.  Negant  se  carnium  esum  interdicere  quia  immundas  esse  dicant  (fatentur  enim  cibos  omnes  per  se  mundos  ac  puros  esse),  sed  alio  respectu  carnium  abstinentiam  edici,  ut  scilicet  dometur  carnis  lascivia.  Quasi  vero  Dominus  vetuerit  olim  suilla  vesci  quia  immundos  sues  iudicaret.  Purum  enim  per  se  ac  mundum  esse  quidquid  creavit  Deus,  patres  etiam  sub  lege  duxerunt:  sed  ideo  immundos  habebant,  quia  usus,  a  quo  ipsos  Dei  prohibitio  arcebat,  erat  illicitus.  Puros  ergo  omnes  non  alio  sensu  apostolus  vocat,  nisi  quia  liber  omnium  usus  est,  quoad  conscientiam.  Ita  si  qua  lex  ad  aliquam  abstinendi  necessitatem  conscientias  obstringit,  concessam  a  Deo  libertatem  impie  eripit  fidelibus.  Inquinatis  autem.  Secundum  membrum  est,  quo  inutiles  ac  irritas  talium  magistrorum  cautiones  subsannat.  Dicit  enim,  nihil  illos  proficere,  cavendo  in  cibis  certis  immunditiem,  quia  nullum  mundum  attingere  queant.  Our  istud?  polluti  enim  sunt:  ideo  solo  ipsorum  attactu,  quae  alioqui  pura  erant,  inquinantur.  Porro  i  n  f  i  d  e  l  e  s  non  adiungit  impuris  quasi  diversos,  sed  exegetica  est  additio.  Quia  enim  nulla  est  coram  Deo  quam  fidei  puritas,  sequitur  infideles  omnes  esse  immundos.  Quare  nullis  legibus  vel  regulis  obtinebunt  quam  captant  munditiem:  quia,  quum  impuri  sint  ipsi,  nihil  sibi  in  mundo  purum  reperient.  Sed  inquinatae  sunt.  Fontem  ostendit  unde  manant  omnes  sordes,  quae  per  totam  hominis  vitam  sparguntur.  Nisi  enim  cor  bene  purgatum  sit,  etiamsi  maxime  fulgeant  et  optimi  sint  odoris  opera  coram  hominibus:  tamen  apud  Deum  foeditate  sua  et  foetore  nauseam  provocabunt.  Dominus  enim  cor  intuetur,  1.  Samuelis  16,  7,  et  Oculi  eius  veritatem  respiciunt,  Ieremiae  5,  3.  Unde  fit  ut  quae  alta  sunt  hominibus,  abominatio  sint  coram  ipso.  Mens  intellectum  significat,  conscientia  magis  ad  cordis  affectus  pertinet.  Duo  autem  hic  sunt  notanda:  ex  sincero  cordis  affectu  hominem  aestimari  apud  Deum,  non  operibus  externis:  deinde  tantas  esse  infidelitatis  sordes,  ut  non  hominem  modo  inficiant,  sed  quidquid  etiam  attrectat.  Qua  de  re  legatur  caput  Aggaei  secundum.  Ideo  alibi  Calvini  opera.  Vol.  LII.