8:416  et  aussi  on  n'appercoit  [f.  46]  point  que  ceulx  qui  en  sont  privez  s'en  soucient  gueres.  Si  leur  revenu  ne  les  mene  point  iusques  au  bout  de  l'an  pour  tenir  tel  train  que  leur  ambition  les  poulse  a  souhaiter,  si  leur  gain  et  leurs  traficques  diminuent,  si  leur  credit  se  perd,  ils  se  tormentent  iusqu'au  bout.  Cependant  la  pasture  ordinaire  des  enfans  de  Dieu  (de  laquelle  ils  debvoyent  estre  affamez)  ne  leur  est  rien.  Si  est-ce  que  Dieu  monstre  bien,  par  la  menace  qu'il  fait,  qu'il  ne  nous  scauroit  advenir  plus  grand  mal.  I'envoyerai,  dit-il  (Amos  8,  ll),  famine  non  pas  de  pain  ne  d'eaue  (comme  s'il  disoit:  cela  est  peu  de  chose),  mais  d'ouir  ma  parolle.  Parquoy,  mes  freres,  gardons  bien  de  nous  laisser  abbrutir  par  satan  et  par  le  monde,  que  nous  n'ayons  tousiours  ce  bien  recommande  pardessus  tous  autres,  c'est  a  dire  d'estre  entretenus  au  troupeau  de  Dieu  soubs  l'ordre  exterieur  et  la  conduicte  qu'il  a  mise  entre  les  siens.  Et  cela  nous  est  encores  mieulx  exprime  par  ce  que  David  a  adiouste,  c'est  qu'il  requerra  la  chose  qu'il  a  demandee.  En  quoy  il  signifie  qu'il  n'a  point  eu  une  devotion  soubdaine,  laquelle  se  soit  refroidie  tantost,  mais  qu'il  a  este  constant,  et  sera  a  la  poursuyte  de  ce  bien.  Nous  en  voyons  bien  aucuns  qui  seront  si  bien  affectionnez  pour  peu  de  temps,  qu'il  semblera  qu'ils  doibvent  tout  abandonner  le  lendemain.  Mais  c'est  une  chose  bien  rare  que  ceste  constance  dont  parle  David.  Mesmes  la  plus  part,  au  lieu  d'attiser  le  feu  pour  allumer  le  bon  zele  que  Dieu  a  mis  en  eulx,  l'estaignent  a  leur  escient.  Nous  avons  un  pareil  tesmoignage  quant  a  David,  au  Pseaulme  que  i'ay  desia  allegue.  Car  pource  qu'on  luy  povoit  mettre  au  devant  qu'estant  chasse  du  pais  de  Iudee,  il  se  povoit  retirer  ca  et  la,  il  s'escrie:  Tes  autels,  Seigneur  des  armees,  mon  Dieu  et  mon  Roy!  comme  s'il  disoit  qu'il  ne  peut  trouver  lieu  delectable,  encores  qu'il  possedast  tous  les  palais  du  monde,  quand  il  n'ha  point  entree  au  Temple  de  Dieu.  Il  se  plainct  que  les  passereaux  et  arondelles  trouvent  lieu  a  faire  leurs  nids,  et  qu'il  est  de  pire  condition.  Pourquoy  cela?  est-oe  qu'il  n'ait  ni  chambre  ni  cuisine?  Ii  n'allegue  point  cela:  mais  d'autant  qu'il  ne  trouve  nulle  bonne  demeure  ne  propre,  puisqu'il  est  recule  des  autels  de  Dieu.  Il  est  bien  certain  que  si  ceste  doctrine  nous  estoit  entree  au  cueur,  nous  ne  serions  pas  ainsi  les  uns  empeschez,  les  autres  desbauchez  du  tout  de  nous  exercer  aux  moyens  que  Dieu  nous  a  mis  en  main  pour  nous  avancer  au  chemin  de  [f.  47]  la  vie  eternelle.  Mais  quoy?  l'ambition  retient  les  uns  aux  dignitez  et  grans  estas,  et  invite  les  autres  a  les  pourchasser:  l'avarice  embrase  et  transporte  les  autres:  beaucoup  n'ont  rien  au  cueur  que  leurs  voluptez  et  vaines  dissolutions.  Tant  y  a  que  tous  languissent  en  leurs  cupiditez:  cependant  nul