6:416  de  Latran,  a  Rome.  Ie  laisse  le  iugement  a  chascun,  quelle  certitude  on  en  peut  avoir.  Et  mesmes,  si  ce  n'est  pas  mensonge  evident,  de  dire  que  le  sang  de  Iesus  Christ  ayt  este  trouve  sept  ou  huyt  cens  ans  apres  sa  mort,  pour  en  espandre  par  tout  le  monde,  veu  qu'en  l'Eglise  ancienne  iamais  n'en  a  este  mention.l)  [page  20]  II  y  a  puis  apres  ce  qui  a  touche2)  au  corps  de  nostre  Seigneur:  ou  bien  tout  ce  qu'ilz  ont  peu  ramasser  pour  faire  reliques  en  sa  memoire,  au  lieu  de  son  corps.  Premierement,  la  creche  en  laquelle  il  fut  pose  a  sa  nativite,  se  monstre  a  Rome  en  l'eglise  nostre  Dame  la  maieur.  La  mesme,  en  l'eglise  8.  Paul,  le  drappeau  dont  il  fut  enveloppe:  combien  qu'il  y  en  a  quelque  lambeau  a  sainct  Salvador  en  Hespaigne.  Son  berceau  est  aussi  bien  a  Rome,  avec  la  chemise  que  luy  feit  la  vierge  Marie  sa  mere.  Item,  en  l'eglise  sainct  Iaques,  a  Rome,  on  monstre  l'autel  sur  lequel  il  fut  pose  au  Temple  a  sa  presentation,  comme  s'il  y  eust  eu  lors  plusieurs  autelz,  ainsi  qu'on  en  faict  a  la  Papaulte  tant  qu'on  veut.  Ainsi  en  cela  ilz  mentent  sans  couleur.  Voyla  ce  qu'ilz  ont  eu  pour  le  temps  de  son  enfance.3)  II  n'est  ia  mestier  de  disputer  beaucoup  ou  c'est  qu'ilz  ont  trouve  tout  ce  bagage,  si  long  temps  depuis  la  mort  de  Iesus  Christ.  Car  il  n'y  a  nul  de  si  petit  iugement,  qui  ne  voye  la  follie.  Par  toute  [page  21]  l'histoire  Evangelique,  il  n'y  a  pas  un  seul  mot  de  ces  choses.  Du  temps  des  Apostres,  iamais  on  n'en  ouyt  parler.  Environ  cinquante  ans  apres  la  mort  de  Iesus  Christ,  Ierusalem  fut  saccagee  et  destruicte.  Tant  de  Docteurs  anciens  ont  escrit  depuis,  faisant  mention  des  choses  qui  estoyent  de  leur  temps,  mesme  de  la  croix  et  des  cloux  que  Heleine  trouva.  De  tout  ce  menu  fatras  ilz  n'en  sonnent4)  mot.  Qui  plus  est,  du  temps  de  sainct  Gregoire,  il  n'est  point  question  qu'il  y  eust  rien  de  tout  cela  a  Rome,  comme  on  voit  par  ses  escritz.  Apres  la  mort  duquel  Rome  a  este  plusieurs  foys  prinse,  pillee  et  quasi  du  tout  ruynee.  Quand  tout  cela  sera  considere,  que  sauroit  on  dire  autre  chose,  sinon  que  tout  cela  a  este  controuve  pour  abuser  le  simple  peuple?  Et  de  faict,  les  Caffars,  tant  Prestres,  que  Moynes,  confessent  bien  que  ainsi  est,  en  les  appelant  pias  fraudes,6)  c'est  a  dire  des  tromperies  honnestes,  pour  esmouvoir  le  peuple  a  devotion.  Il  y  a  puis  apres  les  reliques  qui  appartiennent  [page  22]  au  temps  entre  l'enfance6)  de  Iesus  Christ,  iusqu'a  sa  mort.  Entre  lesquelles  est  la  coulomne  1)  n'en  a  este  faite  mention  1563  suiv.  2)  attouche  1563  suiv.  3)  de  l'enfance  de  Iesus  Christ  1563  suiv.  4)  disent  1563  suiv.  5)  piae  fraudes  1566.  6)  qui  est  depuis  l'enfance  1563  suiv.