55:416  aut  alio  nomine.  Scimus  quam  frequens  sit  in  scriptura  sacri  coniugii  mentio  quod  nobiscum  Deus  contraxit.  Nos  itaque  vult  similes  esse  castae  virgini:  quemadmodum  Paulus  dicit  (2.  Corin,  l  l  ,  2).  Hanc  castitatem  violant  ac  corrumpunt  impuri  omnes  mundi  affectus.  Quare  non  sine  causa  Iacobus  adulterio  comparat  amorem  mundi.  Qui  sine  translatione  eius  verba  accipiunt,  non  satis  observant  contextum.  Pergit  enim  adhuc  invehi  in  hominum  libidines,  quae  eos  mundo  implicitos  a  Deo  abducunt,  quemadmodum  sequitur.  Amicitia  mundi.  Amicitiam  mundi  nominat  quum  se  homines  mundi  corruptelis  addicunt  et  mancipant.  Tale  enim  tantumque  est  mundi  cum  Deo  dissidium,  ut  quantum  quisque  in  mundum  inclinat,  tantundem  a  Deo  alienetur.  Ideo  toties  scriptura  renuntiare  iubet  mundo,  si  velimus  Deo  servire.  5.  An  putatis.  Yidetur  proxime  sequentem  sententiam  tanquam  ex  scriptura  adducere.  Multum  itaque  se  torquent  interpretes:  quia  nusquam  invenitur  in  scriptura  tale,  aut  saltem  affine  testimonium.  Verum  nihil  obstat  quominus  ad  id  referatur  quod  iam  dictum  est,  mundi  scilicet  amicitiam  adversari  Deo.  Porro  iam  dictum  est  doctrinam  esse  quae  passim  occurrit  in  scripturis.  Quod  autem  pronomen  omisit,  quod  orationem  magis  perspicuam  reddere  poterat,  nihil  mirum  :  est  enim  ubique  valde  concisus,  ut  apparet.  An  spiritus.  Quidam  de  hominis  anima  istud  dici  putant.  Ideo  affirmative  legunt  in  hunc  sensum:  quod  hominis  spiritus,  ut  malignus  est,  ita  infectus  sit  invidia,  suosque  affectus  semper  invidiae  permisceat.  Rectius  tamen  sentiunt  qui  referunt  ad  Dei  spiritum.  Ille  enim  est  qui  nobis  datus  est  ut  habitet  in  nobis.  Ego  et  de  spiritu  Dei  accipio,  et  interrogative  lego  hanc  sententiam.  Probare  enim  vult  ex  quo  invident,  non  regi  eos  Dei  spiritu  :  quoniam  ipse  aliter  fideles  instituat:  idque  confirmat  proximo  membro,  quum  addit,  maiorem  potius  dare  gratiam.  Est  enim  argumentum  a  contrariis.  Invidia  malignitatis  signum  est:  spiritus  autem  Dei  donorum  affluentia  se  liberalem  esse  ostendit.  Ergo  nihil  magis  repugnat  eius  naturae  quam  invidia.  In  summa,  negat  Iacobus  regnare  Dei  spiritum  ubi  vigent  pravae  cupiditates  quae  nos  ad  mutuam  contentionem  irritent:  quia  proprium  spiritus  est  magis  ac  magis  homines  novis  subinde  donis  locupletare.  Aliis  interpretationibus  refutandis  non  immoror.  Exponunt  quidam,  spiritum  adversus  invidiam  concupiscere.  Id  nimis  durum  est  et  coactum.  Exponunt  dare  maiorem  gratiam  qua  domentur  concupiscentiae,  et  cogantur  in  ordinem.  Veram  sensus  quem  adduxi  magis  genuinus  est,  quod  scilicet  sua  beneficentia  nos  a  maligna  aemu-