52:416  pliciter  praecipiat  ut  in  sana  fide  maneant.  Hoc  posterius  mihi  magis  placet.  Quum  ergo  iam  per  se  pius  aequo  sint  vitiosi,  et  facile  magis  ac  magis  depraventur:  vult  eos  severius  magisque  praecise  in  sincera  fide  contineri.  Postea  ostendit  quomodo  sana  constet  fides:  nempe  ubi  nullis  fabulis  corrumpitur.  Sed  cavendo  periculo  hoc  remedium  praescribit,  ne  animum  advertant.  Yult  enim  Deus  ita  nos  verbo  suo  intentos  esse,  ut  praeclusus  sit  nugis  additus.  Et  certe  ubi  semel  obtinuit  Dei  veritas,  insipidum  erit  quidquid  contra  afferetur,  ut  mentes  nostras  minime  ad  se  convertat.  Proinde  si  cupimus  fidem  integram  retinere,  sensus  omnes  nostros  sollicite  cohibere  discamus,  ne  alienis  commodis  se  dedant.  Nam  simulac  quispiam  fabulis  attendere  coeperit,  fidei  puritatem  amittet.  14.  Fabulis  iudaicis.  Fabulas  appellat  frivola  omnia  commenta:  ac  si  quis  nugas  latine  diceret.  Nam  quod  continuo  post  addit  de  p  r  a  e  c  e  p  t  i  s  hominum,  idem  significat.  Et  v  e  r  i  t  a  t  i  s  hostes  appellat,  qui  pura  Christi  doctrina  non  contenti  suas  naenias  admiscent.  Nam  pro  fabuloso  ducendum  est  quidquid  ex  se  comminiscuntur  homines.  Iudaeis  praecipue  hoc  vitium  adscribit,  quia  divinae  legis  praetextu  superstitiosos  ritus  ingerebant,  gentiles  enim  quum  intelligerent  se  tota  vita  misere  fuisse  deceptos,  facilius  prioris  vitae  instituto  renuntiabant:  Iudaei  autem,  quoniam  in  vera  religione  fuerant  educati,  ritus,  quibus  assueverant,  pernaciter  tuebantur:  legis  abrogatio  persuaderi  illis  non  poterat.  Hoc  modo  turbabant  omnes  ecclesias  :  quia  simulatque  emergere  alicubi  evangelium  coeperat,  eius  sinceritatem  admisto  suo  fermento  corrumpere  non  desinebant.  Quare  Paulus  non  in  genere  modo  prohibet  ne  a  sana  doctrina  degenerent,  sed  praesens  malum,  cui  occurrere  necesse  erat,  quasi  digito  ostendit,  ut  caveant.  15.  Omnia  quidem  pura.  Speciem  unam  ex  fabulosis  dogmatibus  attingit.  Ciborum  enim  delectum,  qualis  a  Mose  ad  tempus  praescriptus  erat  quasi  adhuc  necessarium  urgebant:  imo  totam  fere  sanctitatem  collocabant  in  hac  observatiuncula.  Quam  vero  pernitiosum  hoc  esset  ecclesiae,  alibi  diximus.  Primum  laqueus  servitutis  conscientiis  iniiciebatur:  deinde  imperiti  hac  superstitione  illigati,  velum  habebant  oculis  obductum,  ne  in  pura  Christi  notitia  proficerent.  Si  quis  ex  gentibus  hoc  iugum,  quia  assuetus  non  esset,  subire  recusabat,  Iudaei  tanquam  pro  summo  religionis  capite  acriter  dimicabant.  Quare  non  immerito  Paulus  constanter  talibus  evangelii  corruptoribus  se  opponit.  Hoc  quidem  loco  non  eorum  modo  errorem  refutat,  sed  vanitatem  lepide  ridet,  quod  nullo  profectu  in  ciborum  abstinentia  anxie  laborent.  Priore  membro  asserit  christianam  libertatem,  dum  nihil  immundum  esse  fidelibus  pronuntiat.  Quia  autem  non