37:416  Iacob  semen,  et  e  Iuda  haeredem  montium  meorum:  et  haereditate  obtinebunt  eam  electi  mei,  et  servi  mei  illic  habitabunt.  10.  Et  erit  Saron  habitaculum  pecudum,  et  vallis  Achor  locus  ad  accubitum  armenti,  populo  meo  qui  quaesierunt  me.  ll.  At  vos  desertores  Iehovae,  qui  obliviscimini  montis  sanctitatis  meae:  qui  paratis  exercitui  mensam,  et  impletis  numero  libamen.  12.  Itaque-  numerabo  vos  ad  gladium,  et  omnes  in  caedem  corruetis:  eo  quod  vocavi,  nec  respondistis:  loquutus  sum,  nec  audistis,  fecistisque  malum  in  oculis  meis,  et  in  quibus  voluptatem  non  cepi,  elegistis.  13.  Propterea  sic  dicit  Dominus  Iehova:  Ecce  servi  mei  comedent,  et  vos  esurietis:  ecce  servi  mei  bibent,  et  vos  sitietis:  ecce  servi  mei  laetabuntur,  et  vos  erubescetis.  14.  Ecce  servi  mei  iubilabunt  prae  hilaritate  cordis,  et  vos  clamabitis  prae  dolore  cordis,  et  prae  angustia  spiritus  ululabitis.  15.  Et  relinquetis  nomen  vestrum  in  exsecrationem  electis  meis:  interficiet  te  Dominus  Iehova,  et  servos  suos  vocabit  nomine  alio.  16.  Qui  benedixerit  sibi  in  terra,  benedicet  se  in  Deo  veraci,  et  qui  iuraverit  in  terra,  iurabit  in  Deo  veraci:  quia  oblivioni  traditae  sunt  afflictiones  priores,  et  absconditae  ab  oculis  meis.  17.  Quia  ecce  ego  creabo  coelos  novos,  et  terram  novam:  priorum  non  erit  memoria,  neque  in  cor  adscendent.  18.  Sed  gaudete  et  exsultate  in  perpetuum  iis  quae  ego  creo.  Nam  ecce  ego  creo  Ierusalem  exsultationem,  et  populum  eius  gaudium.  19.  Et  exsultabo  in  Ierusalem,  et  gaudebo  in  populo  meo,  nec  audietur  in  ea  amplius  vox  fletus,  et  vox  clamoris.  20.  Non  erit  illic  amplius  infans  dierum:  nec  senex  qui  non  impleat  dies  suos.  Quoniam  filius  centum  annorum  morietur  adolescens:  et  qui  peccat  filius  centum  annorum,  maledicetur.  21.  Aedificabunt  domos,  et  inhabitabunt:  plantabunt  vites,  et  comedent  fructum  earum.  22.  Non  aedificabunt  ut  alius  inhabitet:  non  plantabunt  ut  alius  comedat:  quoniam  secundum  dies  arboris,  dies  populi  mei:  et  opus  manuum  suarum  perpetuabunt  electi  mei.  23.  Non  laborabunt  frustra,  nec  parient  in  terrore:  quoniam  semen  benedictorum  Iehovae  erunt,  et  soboles  eorum  cum  ipsis.  24.  Et  erit,  antequam  clament  ego  exaudiam:  adhuc  illis  loquentibus  ego  audiam.  25.  Lupus  et  agnus  pascentur  simul,  et  leo  sicut  bos  comedet  paleam,  et  serpenti  pulvis  erit  panis  suus.  Non  affligent,  neque  nocebunt  in  universo  monte  sancto  meo,  dicit  Iehova.  IN  CAPUT  LXV.  1.  (Patefeci.)  Propheta  nunc  transit  ad  aliam  doctrinam.  Ostendit  enim  iustam  esse  Deo  rationem  cur  repudiet  atque  abiiciat  Iudaeos:  quia  scilicet  apud  ipsos  nihil  aut  monitiones  aut  minae  profuerunt,  ut  a  suis  erroribus  in  viam  reducerentur.  Iam  vero  ne  putarent  foedus  Domini  propterea