20:416  4166.  TOSSANUS  FARELLO.  Ludimagistrum  quaerit  pium  et  doctum.  Edoceri  cupit  quid  rei  sit  circa  Servetum  nuper  ob  religionem  in  vincula  coniectum.  (Ex  autographo  Cod.  Genev.  197,  fol  93.)  Fidelissimo  Christi  servo  Guil.  Farello  ecclesiae  Neocomensis  pastori  vigilantissimo.  S.  Scripseram  ad  te  epistolam  hic  inclusam  superioribus  diebus,  quum  nos  adhuc  pestis  satis  crudeliter  affligeret.  *)  Sed  nunc,  gratia  Christo,  melius  habemus.  Faxit  Dominus  Deus  ut,  quando  evangelii  praedicationem  hactenus  ingrati  contempsimus,  hac  levi  castigatione  admoniti  vere  resipiscamus.  Ego  indies  magis  atque  magis  ludi  nostri  moderatoris  obitum  ob  singularem  hominis  pietatem  et  eruditionem  defleo,  Dominum  Deum  orans  ut  nobis  et  ecclesiae  commodum  aliquando  nanciscamur.  De  qua  re  velim  te  ad  Viretum  nostrum  scribere,  ut  clam  dispiciat  si  quis  illic  sit  ad  hanc  provinciam  natus,  aptus  ad  docendum,  bene  latinus,  graece  mediocriter  doctus,  quique  linguae  hebraicae  non  prorsus  sit  ignarus,  sed  cuius  inprimis  pietas,  sana  doctrina,  mortificatio  et  pacis  studium  bene  perspecta  sint  et  cognita,  ut  quum  posthac  volente  Christo  homini  ea  de  re  scribam  melius  nobis  consulere  possit.  Nam  nos,  quemadmodum  eruditionem  cum  pietate  vera  et  mortificatione  coniunctam,  utpote  singulare  Dei  donum,  unice  veneramur,  ita  vanos  istos  et  intractabiles  felicitate  ingenii  aut  eruditionis  persuasione  sibi  placentes  ac  tumentes  vehementer  horremus  ac  detestamur.  Optime  vale  cum  tuis  omnibus.  Raptim  2  L  Septembris.2)  Scriptum  est  ad  me  Basilea  Hispanum  quendam  s)  Genevae  ob  religionem  in  vincula  coniectum  esse  de  vitaque  periclitari.  Quod  an  verum  sit  et  quis  sit  scire  cupio.  Quanquam  non  putem  nobis  quemquam  ad  mortem  religionis  causa  persequendum,  nisi  seditio  aut  aliae  magnae  causae  adsint,  ob  quas  magistratus  iure  officio  suo  fungatur.  Iterum  vale.  Tuus  Tossanus.  Farellus  adscripsit:  Volui  has  [aes]  te  4)  mittere  ut  intelligas  consilium  Tossani  super  moderatore  iuventutis,  ut  in  4166.  1)  De  tali  peste  Mombelgardiae  tunc  saeviente  Duvernoy  in  Ephemeridibus  tacet.  2)  1553,  ut  patet  ex  sequentibus.  3)  Servetum.  4)  Viretum?