8:415  415  QUATRE  SERMONS.  416  comme  aussi  a  l'opposite,  quand  il  remercie  Dieu  de  tous  les  biens  qu'il  lay  a  faicts,  apres  avoir  parle  du  boire  et  du  manger,  du  repos  et  des  commoditez  du  corps,  il  met  pour  conclusion  qu'il  habitera  au  Temple  de  Dieu  (Pseaulme  23,  6):  en  quoy  il  proteste  qu'estant  a  son  aise  et  en  toutes  delices,  il  n'ha  rien  toutesfois  plus  precieux  que  d'estre  au  troupeau  des  fideles  pour  estre  conduict  [f.  45]  au  bien  souverain.  Notons  bien  doncques  que  David,  tant  en  ses  afflictions  qu'en  sa  prosperite,  a  eu  tousiours  ce  mesme  courage  de  iouir  de  ceste  liberte  que  Dieu  avoit  donnee  aux  enfans  d'Israel:  ce  qui  n'est  pas  petite  vertu.  Nous  en  verrons  d'aucuns,  lesquels  estans  pressez  de  maulx  et  d'angoisses,  se  souviendront  de  Dieu:  mais  si  tost  qu'ils  en  sont  sortis  et  qu'ils  se  trouvent  a  leur  aise,  il  n'en  est  plus  de  nouvelles.  Qui  pis  est,  ils  regimbent  contre  luy  comme  des  chevaulx  trop  grassement  nourris.  Les  autres  se  faschent  tellement  et  despitent  contre  Dieu  en  leur  adversite,  qu'ils  ne  peuvent  ouir  parler  de  luy.  David  est-il  abbatu  de  tant  de  povretez  qu'il  semble  que  ce  soit  la  plus  miserable  creature  du  monde?  tant  s'en  fault  que  la  tristesse  l'accable  pour  luy  faire  prendre  a  fascherie  et  desdaing  qu'on  luy  parle  de  Dieu,  que  c'est  le  seul  propos  ou  il  se  console:  mesmes  encores  qu'il  ne  puisse  penser  a  Dieu  qu'il  ne  se  lamente  d'estre  banni  de  son  Temple  et  forclos  de  l'usage  des  Sacremens  et  des  autres  exercices  de  la  foy,  si  est-ce  qu'il  n'ha  nul  plus  grand  plaisir  qu'a  regretter  un  tel  mal.  Est-il  au  dessus  de  tous  ses  affaires?  a-il  vaincu  ses  ennemis  pour  estre  paisible  en  son  royaume  et  redoubte  de  tous?  a-il  moyen  de  se  plonger  en  toutes  voluptez?  si  est-ce  qu'il  demeure  tousiours  ferme  en  ce  propos,  que  sa  vraye  felicite  est  d'avoir  acces  au  Temple  pour  participer  a  l'ordre  de  l'Eglise.  Parquoy  nous  voyons  qu'il  ne  proteste  pas  en  vain  d'avoir  demande  une  chose,  car  elle  luy  estoit  si  chere,  qu'il  eust  tousiours  quiete  le  reste  en  eschange.  Regardons  maintenant  qui  est  celuy  d'entre  nous  qui  ait  telle  discretion  que  David.  Ceulx  qui  se  contentent  du  bien  qu'ils  ont  entre  mains,  priseront-ils  la  liberte  de  povoir  invoquer  purement  le  nom  de  Dieu,  d'ouir  prescher  sa  parolle  et  user  des  Sacremens,  plus  que  leur  repos  domestique?  Il  y  en  a  bien  peu  qui  le  facent.  Plustost  la  graisse  les  endort  tellement,  qu'il  ne  leur  chault  que  de  faire  bonne  chere.  Brief,  le  monde  est  tel  qu'il  prisera  plus  une  auge  bien  farcie  de  viande  que  le  temple  do  Dieu.  Si  oh  parle  des  troubles  qui  peuvent  advenir,  chascun  craindra  bien  d'estre  fourrage  par  les  guerres,  de  souffrir  dommages,  molestes  et  ennuis.  Mais  de  perdre  la  predication  de  la  doctrine  de  salut,  le  pur  usage  des  Sacremens,  et  telles  aides  qui  sont  pour  nous  approcher  de  Dieu,  il  n'en  est  point  de  mention,