7:415  415  ACTA  SYNODI  TRIDENTINAE  416  Usque  quo  gloria  mea  ad  ignominiam  ?  Ubi  David  conqueritur  succum  suum  conversum  fuisse  in  siccitates  aestivas,  interpres  supposuit:  Conversus  sum  in  aerumna  mea  dum  configitur  spina  (Psal.  32,  4).  Item  altero  versu:  In  lupato  et  fraeno  ora  eorum  ad  coercendum,  ne  accedant  ad  te  (ibid.  v.  9).  Interpres  vero  sic:  In  chamo  et  fraeno  maxillas  eorum  constringe,  qui  non  approximant  ad  te.  Et  quid  intelligemus  per  lumbos  impletos  illusionibus?  quod  legitur  Psal.  38  (v.  8).  Quanquam  imprudenter  facio,  qui  syllam  immensam  ingrediar.  Proinde  ad  unicum  Psalmum  me  recipiam.  Is  erit  sexagesimus  octavus.  Ubi  David  inter  alias  Dei  laudes  hanc  quoque  recenset,  quod  unicos  habitare  faciat  in  domo:  hoc  est,  orbos  et  solitarios  ditet  familia.  Interpres  vero  supponit,  unius  moris.  Sequitur:  Rebelles  autem  in  siticuloso  loco.  Pro  quo  interpres:  Similiter  eos  qui  exasperant;  qui  habitant  in  sepulcris.  Postea  ubi  sensus  optime  fluit  in  verbis  Davidis,  interpres  aenigmata  involvit,  unde  se  nullus  Oedipus  expediat.  Sic  loquitur  David:  Reges  exercituum  fugerunt,  fugerunt,  et  habitatrices  domus  diviserunt  spolia:  hoc  [pa&-  101]  est,  mulieres  quae  domi  quiescebant.  Interpres  vero:  Rex  virtutum  dilecti  dilecti,  et  speciei  domus  dividere  spolia.  Paulo  post:  El  si  dormistis  inter  medias  ollas,  *)  interpres  vertit,  medios  cleros.  Suspicari  montes  coagulatos  posuit,  pro:  Invidere  montibus  opimis.  Ubi  habet  hebraica  veritas:  Etiam  defectores,  ut  inhabitet  Dominus  Deus:  interpres  mutat:  Etiam  non  credentes  inhabitare  Dominum  Deum.2)  Item,  quum  ita  sit  ad  verbum:  Reducam  ex  Basam,  reducam  ex  profundis  maris:  interpres  ex  adverso:  Ex  Basam  convertam,  convertam  in  profundum  maris.  Item:  Ibi  parvulus  Beniamin  dominator  eorum.  Interpres  nescio  quid  cogitans:  In  mentis  excessu.  Dimidiam  Psalmi  partem,  aut  paulo  plus  recensui.  Quae  tamen  monstra  hic  agnoscunt  lectores?  Quanquam,  ut  verum  fatear,  danda  est  venia  latino  interpreti,  qui  graecam  translationem,  qua  potuit  diligentia,  expressit.  Istos  vero  asinos  quis  ferat,  dum  interpretationis  donum  eripiunt  ecclesiae,  et  hoc  tanquam  luto  opposito,  aditum  praecludunt,  ne  ad  puram  Davidis  intelligentiam  accedat?  Adde,  quod  non  ignorantiam  modo  lapsusque  interpretum  praeferunt  verae  aliorum  cognitioni:  sed  nulla  erit  tam  crassa  hallucir.iatio,  quae  non  divini  oraculi  vim  habeat  Quale  exemplum  Psalmo  132  exstat.  Nam,  quum  illic  Dominus  victum  se  populi  sui  benedicturum  promittat,  sacrificulus  quispiam  lusciosus  3)  duas  literas  coniunctim  legens,  c.  et  t.,  putavit  1)  Interpres  addit:  c'est  a  dire,  a  la  fumee,  vous  serez  blanchiz  2)  Totum  hoc  comma  desideratur  in  versione.  3)  quelque  messire  Iean  ayant  les  yeux  chassieux  ou  la  veue  un  peu  courte.