6:415  TRAICTE  DES  RELIQUES.  rolle  de  toutes  les  reliques  du  monde,  qu'on  verroit  clairement  combien  on  auroit  este  aveugle  par  cy  devant,  et  quelles  tenebres  et  stupidite  il  y  auroit  eu  par  toute  la  terre.  Commencons  donc  par  Iesus  Christ,  duquel,  pource  qu'on  ne  pouvoit  dire  qu'on  eust  le  corps  naturel  (car  du  corps  miraculeux,  ilz  ont  bien  trouve  la  facon  de  le  forger,  voire  en  tel  nombre,  et  toutes  et  quantes  foys  que  bon  leur  sembleroit),  on  a  amasse,  au  lieu,  mille  autres  fatras,  pour  supplier  ce  deffaut.  Combien  encore  qu'on  n'a  point  laisse  eschapper  le  corps  de  Iesus  Christ  sans  en  retenir  quelque  loppin.  Car  outre  les  dens  et  les  cheveux,  l'Abbaye  de  Charroux,  au  diocese  de  Poytiers,  se  vante  d'avoir  le  Prepuce,  c'est  a  dire  la  peau  qui  luy  fut  couppee  a  la  Circoncision.  Ie  vous  prie,  dont  est-  ce  que  leur  est  venue  ceste  peau  ?  L'Evangeliste  sainct  Luc  recite  bien  que  nostre  Seigneur  Iesus  a  este  [page  18]  circonciz;  mais  que  la  peau  ayt  este  serree,  pour  la  reserver  en  relique,  il  n'en  faict  point  de  mention.  Toutes  les  histoires  anciennes  n'en  disent  mot.  Et  par  Fespace  de  cinq  cens  ans  il  n'en  a  iamais  este  parle  en  l'Eglise  Chrestienne.  Ou  estce  donc  qu'elle  estoit  cachee,  pour  la  retouver  si  soudainement?  D'avantage,  comment  eust-elle  voile  iusque  a  Charroux?  Mais,  pour  l'approuver,  ilz  disent  qu'il  en  est  tombe  quelques  gouttes  de  sang.  Cela  est  leur  dire,  qui  auroit  mestier  de  probation.  Parquoy  on  veoit  bien  que  ce  n'est  qu'une  moquerie.  Toutesfo  vs,  encore  que  nous  leur  concedions  que  la  peau  qui  fut  couppee  a  Iesus  Christ  ayt  este  gardee,  et  qu'elle  puisse  estre  ou  la,  ou  ailleurs,  que  dirons  nous  du  Prepuce  qui  se  monstre  a  Rome  a  S.  Iehan  de  Latran?  Il  est  certain  que  iamais  il  n'y  en  a  eu  qu'un.  Il  ne  peut  donc  estre  a  Rome  et  a  Charroux  tout  ensemble.  .  Ainsi,  voyla  une  faulsete  toute  manifeste.  Il  y  a  puis  apres  le  sang,  duquel  il  y  [page  19]  a  eu  grans  combats.  Car  plusieurs  ont  volu  dire  qu'il  ne  se  trouvoit  point  du  sang  de  Iesus  Christ,  sinon  miraculeux.  Neantmoins  il  s'en  monstre  de  naturel  en  plus  de  cent  lieux.  En  un  lieu  quelques  gouttes,  comme  a  la  Rochelle,  en  Poictou,  quo  recueilla1)  Nicodeme  en  son  gand,  comme  ilz  disent.  En  d'autres  lieux,  des  fioles  pleines,  comme  a  Mantoue,  et  ailleurs.  En  d'autres,2)  a  pleins  gobeletz,  comme  a  Rome,  a  S.  Eustace.  Mesme  on  ne  s'est  pas  contente  d'avoir  du  sang  simple,  mais  il  l'a  fallu  avoir  mesle  avec  l'eaue  comme  il  saillit  de  son  coste  quand  il  fut  perce  en  la  croix.  Ceste  marchandise  se  trouve  en  l'eglise  de  sainct  Iehan  1)  recueillit  1563  suiv.  2)  Le  texte  latin  dit:  Alibi  plenae  phialae  ut  Mantuae.  Biliomi  in  Arvernia  ostenditur  vase  crystallino  liquidus:  in  quodam  proximo  vico,  coagulatus,  et  aliis  in  locis.