54:415  415  SERMON  III  416  qu'il  n'y  eust  que  redire.  Oar  quelque  peine  qu'on  puisse  mettre  a  regler  et  ordonner  les  choses,  c'est  beaucoup  quand  on  a  seulement  commence,  qu'on  suit  quelque  train  commun:  mais  de  parvenir  a  la  perfection  qui  seroit  requise,  nous  en  sommes  bien  loin.  Et  aussi  il  nous  doit  souvenir  de  ce  que  dit  sainct  Paul  en  l'autre  passage,  quand  il  dit  qu'il  s'efforce  de  parvenir  a  son  but,  combien  qu'il  eust  fait  quatre  ou  cinq  courses,  voire  et  qu'il  se  fust  esvertuo  iusques  au  bout,  si  est-ce  qu'encores  n'estil  point  parvenu:  Ie  m'esten  (dit-il)  au  long  et  au  large,  mais  encores  n'est-ce  rien  de  tout  ce  que  fay  fait,  iusques  a  que  ce  Dieu  ait  mis  fin  a  mon  labeur,  c'est  a  dire,  qu'il  m'ait  retire  de  ce  monde.  Car  de  faict,  il  ne  faut  point  faire  nostre  conte  de  vivre  ici  a  nostre  aise,  quand  nous  aurons  travaille  pour  un  temps,  mais  il  faut  que  nous  soyons  serviteurs  de  Dieu  a  ceste  condition  d'y  vivre  et  mourir  pour  edifier  son  Eglise.  Or  pource  que  le  temps  ne  porte  point  que  ceci  se  deduise  plus  a  plein,  advisons  d'appliquer  ceci  a  nostre  doctrine:  c'est  que  comme  sainct  Paul  en  parlant  ici  de  l'Eglise  de  Dieu,  dit  que  son  labeur  est  imparfait,  qu'il  monstre  qu'un  seul  homme  ne  peut  pas  suffire  a  une  telle  oeuvre,  mais  qu'il  faut  qu'il  soit  aide  non  seulement  par  deux  ou  par  trois,  mais  qu'il  y  ait  une  continuation  de  tous  ceux  qui  seront  appelez  a  ceste  charge,  et  que  de  main  en  main  l'ouvrage  s'avance  et  s'augmente:  que  quand  nous  aurons  procure  tout  le  temps  de  nostre  vie  que  l'Eglise  soit  edifiee,  et  que  Dieu  nous  aura  fait  la  grace  que  nostre  labeur  ait  profite,  que  nous  taschions  aussi  qu'apres  nostre  trespas  la  besongne  ne  soit  point  delaissee,  mais  qu'il  y  ait  tousiours  gens  qui  l'avancent,  et  qui  taschent  de  l'amener  a  sa  perfection:  et  que  pour  ce  faire  nous  ne  mesprisions  point  les  moyens  et  aides  qu'il  nous  a  instituees.  Car  comme  il  cognoist  bien  nostre  fragilite  et  rudesse,  aussi  scait-il  bien  y  remedier.  Il  ne  faut  point  donc  que  nous  perdions  courage  quand  nous  voyons  que  du  premier  coup  nous  ne  venons  pas  a  telle  perfection  qu'il  seroit  requis:  que  nous  ne  laissions  pas  toutesfois  d'y  tendre  d'une  affection  alaigre,  voyans  que  nostre  Dieu  nous  supporte,  et  qu'il  nous  aide  en  toutes  sortes  pour  nous  attirer  a  soy.  Et  ie  di  ceci  pource  que  nous  avons  a  recevoir  la  saincte  Cene  Dimanche  prochain.  Or  il  n'est  point  question  de  venir  a  ceste  saincte  table  a  la