52:415  415  EPIST.  PAULI  AD  TITUM  416  esse  qui  ex  profanis  BCriptoribus  nihil  mutuari  audent.  Nam  quum  omnis  veritas  a  Deo  sit,  si  quid  scite  et  vere  ab  impiis  dictum  est,  non  debet  repudiari,  quia  a  Deo  est  profectum.  Deinde  quum  omnia  Dei  sint,  cur  fas  non  esset  in  eius  gloriam  applicare  quidquid  in  eum  usum  apte  conferri  potest?  Sed  ea  de  re  legatur  Basilii  oratio  npoc  IQOC  veooc,  etc.  13.  Testimonium  hoc  est  verum.  Utcunque  vanus  sit  testis:  quod  tamen  vere  ab  eo  dictum  est,  Paulus  amplectitur.  Porro  dubium  non  est  quin  deterrimi  fuerint  Cretenses,  quos  tam  aspere  tractat.  Nunquam  enim  tam  durus  fuisset  adversus  eos,  nisi  provocatus  maximis  causis,  qui  clementer  alioqui  populos  extrema  severitate  dignos  taxare  solet.  Quid  contumeliosius  his  probris  fingi  potest,  ignavos  esse,  ventri  deditos,  nullius  fidei,  malas  bestias?  Neque  uni  aut  alteri  haec  vitia  exprobrantur,  sed  damnatur  tota  gens.  Admirabile  sane  Dei  consilium,  quod  gentem  adeo  pravam  et  ob  vitia  sua  infamem  in  evangelii  sui  participationem  inter  primas  vocavit:  sed  aeque  mirifica  bonitas,  quod  indignos  communi  vita  coelesti  gratia  dignatus  est.  In  illa  ergo  tam  corrupta  regione,  quasi  in  mediis  inferis,  stationem  aliquam  habuit  Christi  ecclesia:  nec  propagari  desiit,  tametsi  malorum,  quae  illic  regnabant,  contagione  infecta  erat.  Neque  enim  alienos  solum  hic  taxat  Paulus,  sed  eos  nominatim,  qui  Christo  nomen  dederant.  Quia  autem  videbat  haec  tam  foeda  vitia  pridem  egisse  radices  et  passim  grassari:  ut  sanabiles  ab  ipsis  curet,  totius  gentis  famae  non  parcit.  Quamobrem  argue  eos  severe,  ut  sani  sint  in  fide,  14.  neque  attendant  iudaicis  fabulis  et  praeceptis  hominum  aversantium  veritatem.  15.  Omnia  quidem  pura  puris:  inquinatis  autem  et  infidelibus  nihil  purum:  sed  inquinatae  sunt  eorum  mens  et  conscientia.  16.  Deum  profitentur  se  nosse,  operibus  vero  negant,  quum  sint  abominabiles,  inobsequentes,  et  ad  omne  opus  bonum  reprobi.  Quamobrem  argue.  Haec  pars  est  non  postrema  eius  circumspectionis  et  prudentiae,  qua  praeditum  esse  decet  episcopum:  ut  scilicet  docendi  rationem  .  ad  hominum  ingenia  moresque  inflectat.  Neque  enim  sic  cum  protervis  et  indomitis  agendum,  ut  cum  mansuetis  ac  docilibus.  In  his  enim  docendis  adhibenda  est  lenitas  quae  eorum  docilitati  respondeat:  illorum  protervia  severe  corrigenda  est,  maloque  nodo  (ut  aiunt)  aptandus  est  similis  cuneus.  Causa  enim  notatur  cur  acriorem  et  magis  rigidum  esse  Titum  velit  in  illis  arguendis  :  quia  sint  malae  bestiae.  Ut  sani  sint  in  fide.  Incertum  est  tacitene  hanc  sanitatem  opponat  morbis  quorum  meminit:  an  sim-