20:415  415  EPISTOLAE  4165.4168  416  4165.  WHITTINGHAMXJ8  CALVINO.  Queritur  de  forma  ecclesiae  in  Anglia  obtinente.  (Ex  autographo  Cod.  Paria.  Dupuy  102,  fol.  182.)  Ornatissime  viro  D.  Calvino  theologo  illustrissimo.  Genevae.  Literas  tuas,1)  ornatissime  vir,  quibus  erant  scriptae  qua  potui  diligentia  maxima  reddidi,  pro  quibus  universi  gratias  egerunt  infinitas:  plurimi  se  rescripturos  polliciti  sunt.  Quominus  vero  huic  nuncio  dederunt,  nescio  an  per  meam  valetudinem  steterit,  quae  sane  ex  reditu  meo  fuit  aliquantulum  adversa,  adeo  ut  nec  literas  flagitare,  nec  Regis  aulam  adire  licuit.  De  rebus  nostris  non  dubito  quin  multorum  literis  sis  factus  certior.  Nam  quae  nuper  apud  nos  decreta  sunt  adeo  nihil  afferunt  religioni  et  pietati  promovendae,  ut  plurimum  derogent  et  quasi  turpitudine  ipsa  noceant.  Baptismus  tam  fit  domi  in  aedibus  privatis  ab  obstetricibus  quam  in  ecclesia  absque  praeeunte  verbo.  Eucharistia  apud  aegrotos  in  coenaculis  administratur.  Minister  verbi  nemo  creari  potest,  nisi  se  prius  diaconatu  induat,  hoc  est,  ritu  (ut  sunt  nostra  tempora  et  rationes)  superstitioso  ac  plane  papistico.  Nullum  enim  quum  sit  munus  coniunctum,  tanquam  larva  sio  inepto  tantum  titulo  ornatus  incedat  necesse  est.  Itaque  nec  ego  ad  ministerium  sine  hoc  medio  pervenire  possum,  nec  hoc  modo  mihi  fas  esse  arbitror.  Quapropter  statui,  reiectis  his  naeniis,  ad  episcopos  tanquam  iustos  dominos  apud  regem  agere,  ut  saltem  concionari  mihi  liceat.  Nullum  omnino  praemium  exposco  aut  lucrum:  modo  certe  libera  conscientia  officium  meum  meis  praestare  concedatur,  nihil  moror.  Amicos  meos  omnes  licet  ab  hac  causa  aversatissimos  habeam,  ego  tamen  recto  pede  pergere  et  totis  viribus  in  rem  tam  praeclaram  incumbere  statui.  Ad  quam  sane  rem  ut  citius  perveniam  tuis  precibus  apud  Deum  iuvari  vehementer  cupio  et  oro.  Vale,  ornatissime  et  optime  vir.  Londini  27.  Maii.  2)  Tibi  deditissimus  Guil.  Whittinghamus.  4165.1)  deperditas.  2)  Annum  adscribimus  1553.  Nam  regem  Eduardum  superstitem  sistit  epistola,  et  Whittinghamum  mense  Ianuario  adhuc  Argentorati  commorantem  Hubertus  N.  1698.