54:414  qui  ne  demandoit  qu'a  tout  renverser  et  mettre  une  confusion^  horrible  entre  nous.  Et  ceux  qui  ont  este  meslez  parmi  une  telle  vermine,  en  devroyent  rougir  tout  le  temps  de  leur  vie  :  car  ils  ont  combatu  contre  Dieu  entant  qu'en  eux  estoit:  ils  se  sont  monstrez  ennemis  de  l'Eglise,  quand  ils  ont  favorise  a  ce  malheureux  qui  a  tasche  d'allumer  ici  un  feu  infernal,  qu'il  n'eust  pas  este  facile  a  esteindre.  Or  il  ne  nous  faut  point  avoir  esgard  a  ces  gens-la:  mais  plustost  suyvons  l'exemple  de  sainct  Paul,  c'est  ascavoir,  qu'entant  qu'en  nous  sera,  nous  taschions  que  la  parole  de  Dieu  soit  receue  en  toute  reverence,  que  nous  prestions  faveur  a  ceux  qui  l'anoncent  fidelement,  que  nous  advisions  qu'en  toute  liberte  ils  puissent  faire  leur  devoir,  et  qu'ils  soyent  armez  non  point  du  glaive  materiel,  mais  de  ce  glaive  de  la  parole  de  Dieu,  afin  que  quand  ils  parleront  au  nom  de  Dieu,  on  les  escoute,  et  qu'il  n'y  ait  point  de  rebellion,  et  que  les  choses  ne  soyent  point  troublees:  mais  qu'il  y  ait  un  tel  ordre,  que  la  bride  ne  soit  point  iettee  sur  le  col,  pour  dire  qu'un  chacun  fera  a  sa  fantasie,  mais  que  nous  estans  rangez  au  ioug  de  Dieu,  nous-nous  gardions  de  toute  confusion.  Et  voila  pourquoy  il  faut  prattiquer  ce  passage,  quand  sainct  Paul  declare  qu'il  a  laisse  Tite  en  Visie  de  Crete,  Et  nous  voyons  que  ce  sainct  Apostre,  combien  qu'il  fust  excellent  par  dessus  les  autres,  n'a  pas  toutesfois  porte  envie  a  Tite,  qui  estoit  beaucoup  inferieur:  et  toutesfois  nous  voyons  qu'il  luy  dit.  Advise  de  corriger  ce  qui  reste  encores.  Ceux  qui  sont  menez  d'ambition  voudroyent  estre  reputez  habiles  gens  du  premier  iour,  ils  voudroyent  estre  en  telle  reputation  qu'on  pensast  qu'ils  se  fussent  acquittez  si  fidelement,  qu'il  n'y  eust  plus  que  redire.  Or  au  contraire,  quand  nous  avons  mis  peine  tout  le  temps  de  nostre  vie  d'edifier  l'Eglise  de  Dieu,  encores  n'en  serons-nous  point  venus  a  bout  du  tout.  Cognoissons  donc  qu'il  ne  nous  faut  point  tellement  presumer  de  nostre  industrie,  ni  de  nos  vertus,  que  celuy  qui  est  doue  de  plus  amples  graces  puisse  incontinent  avoir  edifie  l'Eglise  de  Dieu  en  perfection:  mais  il  faut  que  nous  aidions  l'un  a  l'autre,  que  celuy  qui  est  le  plus  avance  cognoisse  qu'il  ne  peut  pas  tout,  et  qu'il  plie  les  espaules,  et  qu'il  demande  secours  de  ceux  que  Dieu  aura  ordonnez,  et  qu'il  soit  bien  aise  que  les  autres  s'avancent,  moyennant  que  tous  tendent  de  servir  a  Dieu,  et  d'avancer  le  regne  de  nostre  Seigneur  Iesus  Christ.  Or  si  nous  pensons  bien  a  nous,  il  y  aura  tousiours  occasion  de  gemir,  d'autant  que  nous  sommes  bien  loin  de  nous  acquitter  de  nostre  devoir.  Et  ceux  qui  se  font  a  croire  ceci  ou  cela,  pour  dire,  Yoici  une  Eglise  tant  bien  reformee  qu'il  ne  s'en  faut  rien,  s'abusent:  car  s'ils  scavoyent  que  c'est  de  reformation,  ils  n'auroyent  garde  de  penser