52:414  fusi  fuerint,  posse  illis  ab  ecclesia  imperari  silentium:  quod  si  pergant,  saltem  a  fidelium  consuetudine  arceri  posse,  ne  quis  illis  ad  nocendum  aditus  pateat.  Quamquam  obstruere  os  simpliciter  accipit  Paulus  pro  refellere  ipsorum  vaniloquentiam  :  utcunque  nullam  obstrependi  finem  faciant.  Nam  qui  verbo  Dei  convictus  est,  quidquid  obloquatur,  non  habet  quod  dicat.  Totas  domos  subvertunt.  Si  unius  hominis  fides  subveheretur,  quia  agitur  de  exitio  animae  unius  Christi  sanguine  redemptae,  mox  se  accingere  deberet  pastor  ad  resistendum:  quanto  itaque  minus  tolerabile  est,  videre  totas  domos  subverti?  Modum  subversionis  designat,  quia  doceant  quae  non  oportet.  Unde  colligere  licet  quam  periculosa  res  sit,  vel  minimum  a  sana  doctrina  deflectere.  Neque  enim  palam  impia  fuisse  dogmata  pronuntiat,  quibus  multorum  fidem  subverterint:  sed  quasvis  corruptelas  intelligere  possumus,  quum  a  studio  aedificationis  receditur.  Ita  est  sane:  in  hac  tanta  carnis  infirmitate  plus  quam  proclive  est  labi  :  unde  fit  ut  cito  ac  facile  destruat  Satan  per  suos  ministros  quod  magno  et  diuturno  labore  pii  doctores  erexerant.  Fontem  etiam  mali  indicat,  t  u  r  p  i  s  lucri  cupiditatem.  Quo  admonet  quam  exitiosa  sit  pestis  in  doctoribus.  Simul  enim  atque  se  ad  quaestum  prostituunt,  necesse  est  ut  se  componant  ad  hominum  gratiam  et  obsequium.  Hinc  protinus  sequitur  purae  doctrinae  adulteratio.  12.  Proprius  eorum  propheta.  Non  dubito  quin  hic  sit  Epimenides,  qui  Cretensis  erat.  Nam  quum  ex  ipsis  fuisse  dicit,  et  proprium  eorum  prophetam,  significat  procul  dubio  fuisse  gentilem  Cretensium.  Cur  prophetam  appellet,  ambigitur.  Quidam  rationem  afferunt:  quia  liber  unde  sumpsit  hoc  testimonium  Paulus,  inscriptus  sit  nepl  xp*J<*f*ctv.  Alii  ironice  Paulum  loqui  putant,  qui  talem  ipsis  prophetam  assignet,  dignum  scilicet  ea  gente,  quae  Dei  servos  audire  renuit.  Sed  quum  poetae  interdum  Graecis  prophetae  dicantur,  quemadmodum  apud  Latinos  vates:  simpliciter  pro  doctore  hic  accipio.  Hinc  autem  appellatio  (ut  videtur)  orta  est,  quod  semper  habiti  sunt  genus  .fretov  nod  ev&ouaiaaxixov.  Unde  et  Adimantus  apud  Platonem  2.  De  repub.,  postquam  vocavit  poetas  deorum  filios,  addit  eorum  quoque  factos  fuisse  prophetas.  Quare  mihi  videtur  Paulus  ad  communem  usum  sermonem  accommodare.  Nec  refert  qua  occasione  Epimenides  suos  conterraneos  vocet  mendaces:  nempe  quia  Iovis  sepulcrum  se  habere  iactent:  sed  quoniam  poeta  ex  trita  et  vetere  fama  istud  sumit,  apostolus  tanquam  proverbiale  aliquod  dictum  citat.  Si  versum  latinum  graeco  respondentem  habere  placet,  sic  non  incommode  reddetur,  Mendax,  venter  iners,  semper  mala  bestia  Ores  est.  Caeterum  colligimus  ex  hoc  loco,  superstitiosos