9:413  413  VALENTINI  GENTILIS.  414  paratus  quodvis  supplicium,  subire,  eius  defendendae  causa:  verum  simul  atque  perlegi  et  attente  expendi  solidam  Ulam  et  veris  rationibus  suffultam  Consistorii  responsionem  l)  ad  omnes  meas  obiectiones,  visum  est  patri  misericordiarum,  qui  me  passus  erat  ad  tempus  evagari,  ita  me  afficere,  ut  errorem  meum  cognoverim,  qui  quidem  tribus  praecipue  fundamentis  falsissimis  nitebatur.  Primum  igitur  m  eo  peccavi,  quod  quum  affirmarem  unicum  illum  Deum  Israelis  esse  patrem  Iesu  Christi,  non  animadverti  filii  divinitatem  excludi  per  illas  antitheses  unius  Dei  patris  et  Christi.  Secundo,  quum  essentiam  considerarem  extra  personas,  inde  eliciebam  quaternitatem:  quod  temere  feci,  quoniam  essentia  non  est  alibi  quam  in  ipsis  tribus  personis  consideranda:  quarum  unaquaeque  est  integre  tota  Uia  essentia.  Tertium  peccatum  fuit,  quod  [pag.  96]  affirmarem  personam  patris  esse  sophisticam:  quod  ipsum  quoque  falsissimum  est,  ut  est  mihi  perspicue  demonstratum.  In  summa,  putribus  istis  ruinis  superstructae  sunt  multae  falsae  consequutiones,  quas  ego  abominor  et  detestor,  profiteorque  me  non  aliter  haec  intelligere,  quam  Consistorium  in  illo  suo  scripto  mihi  explanavit.  Itaque,  Magnifici  domini,  putavi  vos  mihi  esse  precandos  una  cum  ministris,  totaque  adeo  ecclesia,  ut  grave  et  enorme  istud  facinus  mihi  condonetis:  sicuti  non  dubito  quin  Deus,  ille  cordium  scrutator,  id  mihi  condonarit,  ut  qui  effecerit  ut  meum  errorem  summo  cum  animi  dolore  agnoscerem.  Etsi  enim,  dum  recordor  quantum  offendiculum  toti  ecclesiae  obiecerim,  praesertim  quum  eximio  Dei  ministro  et  summo  theologo  Io.  Calvino  tam  inconsiderate  respondi,  idem  ille  Deus,  adeo  graviter  conscientiam  meam  vulnerat,  ut  non  facile  inveniat  in  quo  acquiescat:  confido  tamen  fore  ut  mea  ista  perturbatio  in  meipso  gignat  verae  poenitentiae  fructus,  adeo  ut  futura  mea  vita  omnem  istius  offendiculi  labem  in  posterum  abstergat.  Quoniam  autem  mihi  constat  tantam  esse  horum  sanctorum  ministrorum  clementiam  ac  bonitatem,  ut  miseram  hanc  pecudem,  quae  quum  antea  aberrarit,  nunc  in  viam  redit,  non  modo  intra  ecdesiae  gremium  et  ovium  gregem  sint  recepturi,  sed  etiam  exsultaturi  de  mea  conversione,  nihil  aliud  habeo  quod  dicam,  praeter  [pag.  97]  hoc  unum,  Magnifici  domini,  quod  a  vobis  magnopere  peto,  nempe,  ut  quemadmodum  summam  operam  adhibuistis  in  curando  animi  mei  morbo,  ita  etiam  nunc  habeatis  eius  aegrotationis  et  inopiae  rationem,  in  qua  nunc  sum  constitutus,  ut  qui  abhinc  sesquimensem2)  in  vestro  carcere  retinear  paupertate  simul  et  morbo  pressus:  ut  illud  Christi  merito  possitis  usurpare:  Nos  totum  hominem  servavimus.  Hoc  certe  factum,,  praeterquam  quod  convenit  1)  Quam  habes  supra  pag.  67,  edit  nostr.  pag.  399  2)  un  demi  mois.