8:413  413  in.  D'ESTRE  EN  L'EGLISE.  414  que  c'est  pour  un  iour?  mais  au  contraire,  il  commande  qu'on  suyve  ce  train  iusqu'a  la  mort;  car  voyla  le  temps  de  nostre  perfection.  Ceulx  donc  qui  ne  daignent  pas  se  tenir  en  ce  rang  de  proufiter  en  la  foy  et  en  toute,,  vertu  par  Tordre  commun  de  l'Eglise,  ne  scauroyent  mieulx  se  retrancher  de  la  compaignie  des  enfans  de  Dieu.  Ils  ont  beau  caviller,  car  la  sentence  de  sainct  Paul  est  trop  manifeste,  que  nul  n'est  du  corps  de  Christ,  et  n'en  doibt  estre  tenu,  sinon  qu'il  se  submette  a  ceste  reigle  generale  (Eph.  4,  4).  Parquoy,  mes  freres,  humilions-nous  et  ne  tentons  point  Dieu,  cuidans  povoir  voler  sans  ailes.  Mais  quelcun  dira:  possible  que  David  parloit  pour  le  temps  des  figures,  pource  que  Dieu  gouvernoit  alors  son  peuple  a  la  facon  des  petis  enfans,  ainsi  que  dit  sainct  Paul;  et  pourtant,  que  les  regrets  qu'il  fait  du  Temple  ne  nous  conviennent  point  auiourd'huy,  veu  que  nous  sommes  accomparez  a  ceulx  qui,  estans  sortis  hors  d'enfance,  sont  devenus  grans.  A  quoy  ie  respon,  en  premier  lieu,  que  la  necessite  d'estre  enseignez  par  les  sermons,  d'estre  confermez  par  les  Sacremens,  exercez  aux  prieres  [f.  43]  publiques  et  confession  de  foy,  nous  est  comnune  avec  les  Peres  anciens.  Et  a  cela  tendent  tant  de  promesses  qui  sont  principalement  au  prophete  Esaie  (chap.  60),  la  ou  Dieu  dit  que  son  Eglise  aura  des  enfans  infinis,  et  qu'apres  les  avoir  conceus  et  enfantez,  elle  les  nourrira.  On  ne  peut  nier  que  cela  n'appartienne  au  royaume  de  Iesus  Christ  et  a  nostro  temps.  Or,  Dieu  notamment  renvoye  ses  enfans  au  giron  de  l'Eglise.  Pourquoy  cela,  sinon  a  cause  de  cest  ordre  qu'il  a  establi  pour  recueillir  les  siens  comme  par  troupeaux?  Ce  qui  est  tresbien  exprime  par  UD  e  belle  similitude  dont  use  le  mesme  Prophete,  disant  au  chapitre  60  que  les  Chrestiens  seront  comme  pigeons  qui  se  retireront  par  volees  en  leur  coulombier.  Et  quel  est,  ie  vous  prie,  ce  coulombier-la,  sinon  chascun  lieu  ou  la  parolle  de  Dieu  se  presche,  ou  les  Sacremens  s'administrent  et  ou  le  nom  Dieu  est  reclame?  De  faict,  ceulx  qui  cuident  estre  si  robustes  de  n'avoir  plus  aifaire  de  ceste  conduicte  externe,  regardent  bien  mal  a  leur  condition.  Car  pourquoy  Dieu  nous  a-il  ordonne  les  Sacremens,  sinon  pource  qu'estans  vestus  de  nos  corps,  nous  sommes  trop  pesans  pour  apprehender  les  choses  spirituelles  sans  estre  aidez  par  signes  visibles?  Les  anges  ont  bien  la  verite  des  Sacremens,  et  cela  leur  suffit.  Mais  il  fault  que  Dieu  descende  plus  bas  a  nous,  a  cause  de  nostre  rudesse.  Que  ces  Chrestiens  imaginatifs  se  despouillent  de  leurs  corps  et  se  facent  anges  du  ciel,  et  alors  ils  se  pourront  exempter  de  ces  petites  aides  dont  ils  tiennent  si  peu  de  compte.  Mais  il  fault  que  tous  ceulx  qui  se  cognoissent  hommes  passent  par  la,  de  s'assubiectir  a  la  police  ordinaire