6:413  TRAICTE  DES  RELIQUES.  laisse  persuader  qu'ainsi  est.  Mais  quand  i'auray  remonstre  evidamment  la  fraude  qui  s'y  commet,  quiconque  aura  un  petit  de  prudence  et  raison,  ouvrira  lors  les  yeux  et  se  mettra  a  considerer  ce  que  iamais  ne  luy  estoit  venu  en  pensee.  Combien  que  ie  ne  puis  pas  faire  en  ce  livret  ce  que  ie  voudroys  bien.  Car  il  seroit  besoing  d'avoir  registres  de  toutes  pars,  pour  savoir  quelles  reliques  on  dit  qu'il  y  a  en  chascun  lieu,  afin  d'en  faire  comparaison.  Et  lors  on  congnoistroit  que  chascun  Apostre  auroit  plus  de  quatre  corps,  et  chascun  Sainct  pour  le  moins  deux  ou  trois.  Autant  en  seroit-il  de  tout  le  reste.  Brief,  quand  on  auroit  amasse  un  tel  monceau,  1)  il  n'y  auroit  celuy  qui  ne  [page  13]  fust  estonne,  voyant  la  moquerie  tant  sotte  et  lourde,  laquelle  neantmoins  a  peu  aveugler  toute  la  terre.  Ie  pensoys  que  puis  qu'il  n'y  a  si  petite  eglise  cathedrale  qui  n'ayt  comme  une  fourmillere  d'ossemens,  et  autres  telz  menus  fatras,  que  seroit-ee  si  on  assembloit  toute  la  multitude  de  deux  ou  trois  mille  Eveschez,  de  vingt  ou  trente  mille  Abbayes,  de  plus  de  quarante  mille  Couventz,  de  tant  d'eglises  parochialles  et  de  chappelles?  Mais  encore  le  principal  seroit  de  les  visiter,  et  non  pas  nommer  seulement;  car  on  ne  les  congnoist  point  toutes  a  nommer.2)  En  ceste  ville  on  avoit,  ce  disoit-on,  le  temps  passe,3)  un  bras  de  sainct  Anthoine:  quand  il  estoit  enchasse,  on  le  baisoit  et  adoroit:  quand  on  le  mist  en  avant,  on  trouva  que  c'estoit  le  membre4)  d'un  cerf.  Il  y  avoit  au  grand  autel  de  la  cervelle  de  sainct  Pierre.  Pendant  qu'elle  estoit  enchassee,  on  n'en  faisoit  nulle  doubte;  car  ce  eust  este  un  blaspheme  de  ne  s'en  fier  au  billet.  Mais  quand  on  esplucha  le  nid,  et  on  y  [page  14]  regarda  de  plus  pres,  on  trouva  que  c'estoit  une  pierre  d'csponge.5)  Ie  pourroys  reciter  beaucoup  de  semblables  exemples,  mais  ceux  cy  suffiront  pour  donner  a  entendre  combien  on  descouvriroit  d'ordure  si  on  faisoit  une  foys  une  bonne  visitation  universelle  de  toutes  les  reliques  d'Europe.  Voire  avec  prudence,  pour  savoir  discerner.  Car  plusieurs,  en  regardant  un  reliquiaire,  ferment  les  yeux  par  superstition:  afin,  en  voyant,  de  ne  veoir  goutte,  c'est  a  dire  qu'ilz  n'osent  pas  iecter  l'oeil  a  bon  escient  pour  considerer  ce  que  c'est.  Ainsi  que  plusieurs,  qui  se  vantent  d'avoir  veu  le  corps  de  S.  Claude  tout  entier,  ou  d'un  autre  sainct,  n'ont  iamais  eu  ceste  hardiesse  de  lever  la  veue  pour  regarder  que  c'estoit.  Mais  celuy  qui  auroit  1)  on  auroit  tout  amasse  en  un  monceau  1563  suiv.  (coacto  tali  acervo  G.).  2)  neque  omnes  ex  nomine  cognoscuntur  G.  3)  le  temps  passe,  omis  dans  la  traduction.  4)  penem  cervi  G.  5)  d'esponge  1543.1544;  de  ponce  1563  suiv.;  pumex  G.