54:413  413  SUR  L'EPITRE  A  TITE.  414  failloit  encores,  mais  sans  aucun  changement,  c'est  a  dire,  qu'il  ne  renversast  pas  ce  que  sainct  Paul  avoit  ordonne,  mais  qu'il  y  adioustast,  et  que  l'oeuvre  fust  amenee  a  sa  perfection  par  ce  moyen-la.  Or  quand  sainct  Paul  aussi  arme  Tite  d'authorite,  de  la  nous  sommes  advertis  que  chacun  entant  qu'en  luy  est,  doit  aider  aux  serviteurs  de  Dieu,  afin  qu'ils  facent  pleinement  leur  office,  et  que  si  quelqu'un  s'y  oppo8oit  pour  les  retarder,  que  celuy-la,  soit  rembarre.  Youlons-nous  donner  vraye  approbation  que  nous  sommes  Chrestiens?  Tenons  la  main  forte  a  ceux  qui  doivent  anoncer  la  parole  de  Dieu,  afin  qu'ils  puissent  executer  leur  charge  et  office:  que  si  on  les  empesche,  nous  leur  aidions  entant  qu'en  nous  sera,  et  qu'un  chacun  le  face  selon  son  ordre  et  son  degre.  Que  les  personnes  privees  advisent  d'aider  a  ceux  qui  sont  en  travail,  ceux  qui  servent  fidelement  a  Dieu,  et  de  les  maintenir  en  leur  authorite:  et  s'il  y  a  des  brouillons  et  des  canailles  qui  se  dressent  contr'eux,  de  les  reprimer,  et  qu'un  chacun  se  monstre  comme  partie  formelle  a  l'encontre  d'eux.  Voila  comme  nous  serons  vrais  Chrestiens.  Que  ceux  qui  ont  la  puissance  du  glaive,  s'y  employent,  et  que  sur  tout  ils  facent  que  le  ministere  de  l'Evangile  soit  en  son  entier,  c'est  a  dire,  que  les  Pasteurs  ne  soyent  point  empeschez  qu'ils  n'usent  de  la  liberte  que  Dieu  leur  a  donnee:  c'est  qu'ils  maintienent  l'ordre  et  la  discipline  comme  il  appartient.  Et  mesmes  que  les  Pasteurs  advisent  de  faire  le  semblable  l'un  a  l'autre:  que  celuy  qui  aura  receu  plus  de  grace,  ne  donne  point  du  coude  a  ses  compagnons  pour  s'avancer  par  dessus  eux,  et  pour  les  mettre  en  arriere:  mais  plustost  qu'il  leur  tende  la  main,  qu'il  leur  aide  et  les  avance.  Ceux  qui  sont  inferieurs,  et  qui  n'ont  point  telle  authorite,  qu'ils  regardent  d'ensuivre  tellement  les  autres,  qu'ils  se  conioignent  en  bonne  concorde  avec  eux:  et  quoy  qu'il  en  soit  que  l'edifice  se  parface,  et  qu'ils  servent  a  Dieu  sans  envie,  sans  emulation,  sans  destruire  l'ordre  que  Dieu  a  institue,  et  que  ce  soit  un  vray  tesmoignage  comme  ils  sont  de  ses  enfans.  A  l'opposite  on  voit  quels  sont  ceux  qui  ne  demandent  qu'a  renverser  l'authorite  des  prescheurs.  Il  est  vray  que  si  les  hommes  sous  ombre  d'estre  Pasteurs  de  l'Eglise,  sous  ombre  d'avoir  la  charge  de  dispenser  la  doctrine  de  salut,  se  vouloyent  elever,  qu'il  faut  bien  resister  a  une  telle  tyrannie:  mais  quand  il  y  en  a  qui  ne  demandent  que  de  faire  vilipender  ceux  qui  anoncent  la  parole  de  Dieu,  afin  que  la  doctrine  ne  soit  receue  qu'a  demi,  qu'on  s'en  moque  tant  qu'on  voudra:  quand,  di-ie,  cela  advient,  tenons  pour  supposts  de  Satan  tous  ceux  qui  s'efforcent  de  mettre  ainsi  les  Pasteurs  de  l'Eglise  en  opprobre  et  en  diffame.  Comme  nous  avons  veu  les  combats  qui  ont  este  ainsi  contre  ce  mal-heureux  heretique,