52:413  413  CAPUT  I.  414  mentium  seductores,  maxime  qui  sunt  ex  circumcisione,  11.  quibus  oportet  obturare  os:  qui  totas  domos  sub"  vertunt,  docentes  quae  non  oportet,  turpis  lucri  gratia.  12.  Dixit  quidam  ex  ipsis,  proprius  eorum  propheta^  Cretenses  semper  mendaces,  malae  bestiae,  ventres  pigri.  13.  Testimonium  hoc  est  verum.  10.  Sunt  autem.  Postquam  communem  regulam  praescripsit,  quae  ubique  observanda  est  :  quo  tamen  ad  eam  servandam  magis  intentus  sit  Titus,  peculiarem  necessitatem  illi  proponit,  quae  urgere  ipsum  prae  aliis  debeat.  Admonet  enim,  illi  negotium  esse  cum  multis  refractariis  et  indomitis  capitibus,  multos  esse  ventosos  et  vana  garrulitate  inflatos,  multos  impostores:  deligendos  proinde  ex  opposito  esse  duces  qui  ad  resistendum  idonei  sint  ac  bene  instructi.  Nam  si  filiis  huius  saeculi  pericula  curam  ac  vigilantiam  augent:  turpe  esset,  dum  omnia  molitur  Satan,  nos  quasi  rebus  pacatis  securos  torpere.  Immorigeri.  Pro  quo  vetus  interpres  reddidit  inobedientes:  Erasmus,  intractabiles.  Significat  autem  eos  qui  in  ordinem  se  cogi  non  sustinent,  ac  subiectionis  iugum  excutiunt.  Vaniloquos  appellat  non  falsorum  dogmatum  autores,  sed  qui  ambitiosae  ostentationi  dediti  inanes  tantum  argutias  sectantur.  MaTaioXoyta  enim  utili  ac  solidae  doctrinae  opponitur.  Itaque  frigidas  omnes  speculationes  et  nugatorias  comprehendit,  quae  meris  tantum  ampullis  turgent,  quum  ad  pietatem  timoremque  Dei  nihil  conducant.  Qualis  est  hodie  in  papatu  tota  scholastica  theologia.  Eosdem  tamen  simul  vocat  mentium  seductores:  nisi  malis  de  diversis  accipere:  sed  ego  eosdem  puto  designari,  quia  eiusmodi  nugarum  magistri  suis  illecebris  mentes  hominum  demulcent  et  quasi  incantant,  ne  amplius  admittant  salubrem  doctrinam.  Dicit  eos  maxime  esse  ex  Iudaeis:  quia  magni  interest,  ab  omnibus  tales  pestes  cognosci.  Neque  enim  audiendi  sunt  qui  parcendum  paucorum  famae  causantur,  ubi  agitur  magnum  totius  ecclesiae  periculum,  et  eo  nocentior  erat  gens  illa,  quae  se  aliis  propter  generis  sanctitatem  praeferebat.  Haec  igitur  ratio  est  cur  acrius  Iudaeos  Paulus  vexet,  ut  illis  adimat  nocendi  facultatem.  11.  Quibus  oportet  obturare  os.  Ergo  in  excubiis  esse  decet  bonum  pastorem,  ne  pravas  ac  noxias  doctrinas  serpere  tacitus  sinat:  neve  improbis  moram  concedat  eas  spargendi.  Sed  quaeritur  qul  fieri  possit  ut  obstinatos  et  praefractos  tacere  cogat  episcopus.  Neque  enim  tales,  utcunque  ratione  victi  sint,  tamen  conticescunt:  imo  saepe  quo  apertius  convicti  sunt  ac  fracti,  redduntur  petulantiores.  Praeterquam  enim  quod  crescit  et  accenditur  malitia,  ad  impudentiam  se  prostituunt.  Respondeo,  ubi  verbi  Dei  gladio  prostrati,  ac  vi  veritatis  con-