5:413  AD  SADOLETI  EPISTOLAM.  quidquid  ad  stabiliendum  papae  principatum  solebat  tum  adduci,  clare  diluebant.  Ubi  omnia  illi  1)  sua  firmamenta  abstulerant,  tantam  quoque  eius  altitudinem  Dei  verbo  demoliebantur.  Eo  usque  res  deveniebat,  ut  palam  esset  conspicuumque  eruditis  simul  ac  indoctis,  verum  ecclesiae  ordinem  tunc  interiisse;  claves,"  quibus  ecclesiae  disciplina  continetur,  fuisse  pessime  adulteratas;  collapsam  christianam  libertatem;  prostratum  denique  fuisse  Christi  regnum,  quum  erectus  fuisset  hic  principatus.  Habebant  praeterea,  quo  conscientiam  meam  stringerent,  ne  in  istis,  quasi  nihil  ad  me  pertinerent,  securus  conniverem.  Multum  enim  abesse,  quin  sit  aliquod  voluntario  errori  apud  te  patrocinium,  quum  nc  is  quidem  impune  erret,  qui  mera  ignoratione  [fol.  45]  a  via  seducitur.  Quod  ipsum  filii  tui  testimonio  comprobabant:  Si  caecus  caecum  ducit,  ambo  in  foveam  cadunt  (Matth.  15,  14).  Quum  iam  animus  meus  ad  seriam  attentionem  comparatus  foret,  hic  vero,  tanquam  illata  luce,  animadverti,  in  quo  errorum  sterquilinio  fuissem  volutatus,  quot  inde  sordibus  ac  maculis  foedatus  essem.  Quod  ergo  officii  mei  fuit,  eius,  in  qua  prolapsus  eram,  miseriae,  multo  etiam  magis  eius,  quae  mihi  imminebat,  aeternae  mortis  agnitione  vehementer  consternatus,  nihil  prius  habui  quam  ut  damnata,  non  sine  gemitu  ac  lacrymis,  superiore  vita,  me  in  vitam2)  tuam  reciperem.  Et  nunc,  Domine,  quid  aliud  misero  mihi  superest  quam  ut  deprecationem  tibi  pro  defensione  offeram,  ne  horrendam  illam  a  verbo  tuo  defectionem  ad  calculum  revoces,  i  a  qua  me  semel  mirifica  tua  benignitate  vindicasti?  Nunc  istam  actionem,  Sadolete,  cum  ea,  si  libet,  compara,  quam  plebeio  tuo  assigna&ti.  Mirum,  si  haesitabis,  utram  alteri  praeferre  debeas.  Illius  enim  profecto  salus  de  filo  pendet,  cuius  defensio  in  hoc  cardine  vertitur:  quod  quae  sibi  a  proavis  ac  maioribus  tradita  sit  religio,  eam  constanter  retinuerit.  Iudaei,  et  Turcae,  et  Sarraceni  hac  ratione  Dei  iudicio  elaberentur.  Facessat  ergo  inanis  ista  tergiversatio  ab  eo  tribunali,  quod  non  hominum  autoritati  comprobandae,  sed  universa  carne  vanitatis  mendaciique  damnata,  asserendae  unius  Dei  veritati  erigetur.  Quod  si  ineptiis  tecum  certare  vellem,  quam  mihi  imaginem  pingere  liceat,  non  dico  papae,  aut  cardinalis,  aut  cuiuslibet  e  vestra  factione  reverendi  praesulis  (quibus  fere  omnibus  qui  colores  aptari  queant  ab  homine  non  valde  ingenioso,  pulchre  nosti),  sed  doctoris  alicuius,  vel  inter  omnes  vestros  selectissimi?  Nihil  sane  opus  esset,  ad  eius  damnationem,  vel  dubias  in  eum  coniecturas  proferre,  vel  falsa  crimina  ementiri.  Iustis  enim  ac  certis  plus  satis  gravaretur.  Sed  ne,  quod  in  te  reprehendo,  imitari  videar,  hoc  agendi  genere  supersedeo.  Tantum  1)  illa,  1576.  1597.  1611.  2)  viam,  1576  seqq.  Gailus  cum  antiquioribus  facit.