47:413  413  CAPUT  XIX.  414  quae  ad  nonam  usque  durarunt,  qua  mortuus  est  Christus.  15.  Nen  habemus  regem.  Hic  vero  se  prodit  horribilis  furor,  quod  sacerdotes,  qui  exercitati  in  lege  esse  debebant,  Messiam  reiiciunt,  in  quo  tota  populi  salus  inclusa  erat,  a  quo  pendebant  omnes  promissiones,  in  quo  fundata  erat  tota  religio.  Certe  gratia  Dei  et  bonis  omnibus  se  abdicant  Christum  repudiando.  Videmus  ergo  quanta  vecordia  correpti  fuerint.  Fingamus  Christum  non  fuisse  Christum:  nulla  tamen  illis  excusatio  est,  quod  regem  praeter  Caesarem  nullum  agnoscunt.  Primum  enim  deficiunt  a  spirituali  regno  Dei.  Secundo  tyrannidem  romani  imperii,  quam  maxime  exsecrabantur,  iustae  gubernationi  praeferunt,  qualis  a  Deo  promissa  erat:  ita  impii,  ut  Christum  fugiant,  non  modo  se  privant  vita  aeterna,  sed  omne  miseriarum  genus  sibi  accersunt.  Contra  vero  unica  est  piorum  felicitas,  subesse  Christi  regno,  sive  iusto  et  legitimo  dominio  subiecti  sint  quoad  carnem,  sive  a  tyrannis  premantur.  16.  Tradidit  eum  illis.  Coegit  quidem  Pilatum  illorum  importunitas,  ut  Christum  traderet:  neque  tamen  id  factum  est  tanquam  in  tumultu,  sed  more  solenni  damnatus  fuit,  quia  et  duo  latrones  causa  cognita  ad  crucem  simul  damnati  sunt.  Sed  hoc  verbo  utitur  Ioannes,  quo  melius  confirmet  implacabili  populi  saevitiae  datum  fuisse  Christum,  qui  nullius  delicti  convictus  erat.  ll.  Et  gestans  crucem  suam,  exivit  in  locum,  qui  dicitur  Cranii,  hebraice  Golgotha,  18.  Ubi  eum  crucifixerunt:  et  cum  eo  duos  alios,  hinc  et  inde,  medium  autem  Iesum.  19.  Scripsit  autem  et  titulum  Pilatus  et  posuit  super  crucem.  Erat  autem  scriptum  :  IESUS  NAZAEENUS  REX  IUDAEORUM.  20.  Hunc  ergo  titulum  multi  ex  Iudaeis  legerunt,  quia  urbi  propinquus  erat  locus,  ubi  Iesus  crucifixus  fuit.  Et  scriptum  erat  hebraice,  graece  ac  latine.  21.  Dixerunt  ergo  Pilato  sacerdotes  Iudaeorum:  Ne  scribas,  Bex  Iudaeorum:  sed  quod  ipse  dixerit:  Bex  sum  Iudaeorum.  22.  Respondit  Pilatus:  Quod  scripsi,  scripsi.  17.  Exivit  in  locum,  qui  ete.  Circumstantiae  quae  hic  notantur  non  modo  ad  historiae  certitudinem,  sed  fidei  quoque  nostrae  aedificationem  plurimum  valent.  Quaerenda  nobis  iustitia  est  in  expiatione  a  Christo  peracta.  Ergo  ut  se  piaculum  pro  peccatis  nostris  esse  probaret,  tum  educi  extra  urbem,  tum  suspendi  in  ligno  voluit.  Hostiae  enim,  quarum  sanguis  pro  peccato  fundebatur,  solebant  extra  castra  efferri  ex  legis  mandato,  et  eadem  lex  maledictum  pronuntiat  quicunque  in  ligno  pendet  (Levit.  6,  30.  16,  27.  Deut.  21,  23).  Utrumque  in  Christo  impletum  est,  nt  certo  nobis  persuasum  sit,  peccata  nostra  sacrificio  mortis  eius  expiata  esse:  ipsum