9:412  liberare,  [pag.  93]  Quod  etsi  a  me  liberius  fortasse,  quam  oportuit,  factum  est,  gaudeo  tamen  hoc  nomine,  quod  amplissimi  Consistorii  conscientiae  ac  iudicio  me  penitus  submiserim.  Nunc  vero  quum  tot  sapientissimi  viri,  quorum  opera  Deus  manifeste  utitur  in  colligenda  ecclesia  sua,  luculentissimo  scripto  meam  opinionem  uno  ore  erroneam  testentur,  visum  est  potius  ipsis,  vel  somniantibus,  quam  mihi  vigilanti  credere.  Itaque  ut  pollicitus  sum,  eorum  conscientiae  ac  scientiae  libenter  acquiesco,  eamque  (ut  debeo)  toto  pectore  amplector.  Quamobrem  si  quid  in  ipsa  actione  mihi  imprudenter  exciderit,  quod  ipsos  dominos  ministros,  ac  vos  quoque,  Illustrissimi  domini,  offenderit,  supplex  peto  ut  simplicitati  meae  ignoscatur.  Nunc  enim  primum  ante  tribunal  steti:  atque  difficile  est  in  rebus  novis  hommem  ita  se  gerere,  ut  aliqua  in  re  non  labatur.  Sed  de  his  hactenus,  omnia  enim  bona  de  clementia  vestra  et  spero  et  mihi  polliceor.  Venio  ad  D.  Calvinum.  Absit  ut  tantum  doctorem  in  numero  sophistarum  unquam  habuerim.  Ingenue  fateor,  impius,  nedum  iniquus  essem,  si  de  tam  incomparabili  viro,  ac  de  republica  christiana  optime  merito,  talia  sentirem.  Soleo  equidem  Sorbonistas,  caeterosque  magistros  papistarum  sophistas  appellare.  De  eius  doctrina  nihU  me  tale  suspicari,  religio  est  dicere.  Quare  vos  etiam  atque  etiam  oratos  velim,  ne  mihi  haec  nota  [pag.  94]  inuratur,  ut  Uia  mea  verba  quasi  in  sanctissimam  ecclesiam  vestram  dicta  detorqueantur.  Testis  est  mihi  Dominus,  me  nunquam  tale  quidquam  cogitasse:  quin  potius  hanc  Genevensem  ecclesiam  caeteris  omnibus  puriorem  ac  mundiorem  et  habui  et  semper  praedicavi.  Facessant  igitur  vanae  suspiciones,  et  nuda  regnet  simplicitas.  Si  quid  tamen  exstat  in  meis  scriptis,  quod  D.  Calvinum  urgeret:  id  non  laedendi  sui  causa  a  me  dictum  esse  mihi  velim  credatis,  sed  defendendi  mei.  Quapropter  si  quid  a  me  minus  reverenter  in  ipsum  dictum  est,  non  modo  ab  eo  veniam  peto,  verum  etiam  (quae  viri  est  caritas  et  pietas)  oro,  ut  me  totum  amplectatur  et  foveat,  inque  eorum  numero  habeat,  qui  sui  nominis  sunt  perquam  studiosi.  Quod  si  in  tot  meis  miseriis  mihi  contigerit,  munere  videbor  donatus  immortali.  Equidem  quod  ad  me  attinet,  dabo  operam  ut  tum  dictis  vestris  exsequendis,  tum  illius  pietate  colenda  me  omnes  fidelem  ac  constantem  praedicent.  Si  Deus  ete.  EPISTOLA  VALENTINI  GENTILIS  AD  SENATUM  GENEVENSEM,  SCRIPTA  EX  CABCERE,  IN  QUA  SUAS  BLASPHEMIAS  AGNOSCIT,  ET  VENIAM  DEPBECATUB.  [pag.  95]  Magnifici  domini.  Certum  est  quo  tempore  ex  vestro  mandato  meam  Ulam  confessionem  vobis  obtuli,  me  tanto  zelo  fuisse  percitum,  ut  fuerim