8:412  sentir  combien  il  luy  est  propre  d'estre  plus  enfiambe  par  la  predication  de  la  Loy,  par  les  Sacremens,  et  autres  exercices  semblables.  Au  contraire,  ces  glorieux  vilains,  qui  ne  tiennent  compte  auiourd'huy  de  toutes  ces  choses,  monstrent  bien  par  cela  qu'ils  n'ont  point  une  seule  goutte  de  Chrestiente.  Ie  parle  de  nos  philosophes  de  cabinets,  qui  sont  soubs  laPapaulte.  C'est  bien  a  propos,  disentils,  qu'on  ne  soit  point  Chrestien,  si  on  ne  trotte  a  Geneve  pour  avoir  les  oreilles  confictos  de  sermons,  et  user  des  ceremonies  qu'on  observe  la!  Ne  peuton  pas  bien  lire  et  prier  Dieu  a  part  soy?  Faut-il  entrer  en  un  temple  pour  estre  enseigne,  puis  que  chascun  a  PEscripture  en  sa  maison?  Ie  respon  a  cela  que  nous  n'imposons  loy  a  personne  de  bouger  du  lieu  ou  il  est.  Mesme,  quand  un  homme  vivra  purement  et  servira  Dieu  comme  il  doibt  au  milieu  de  la  tyrannie  du  Pape,  ie  le  prise  cent  fois  plus,  tant  pour  tant,  que  nous,  qui  sommes  en  liberte  et  repos.  Mais  il  est  yci  question  de  deux  choses:  a  scavoir,  si  ceulx  qui,  en  sentant  leur  infirmite,  viennent  cercher  en  une  Eglise  Chrestienne  telle  confirmation  que  faisoit  David  de  son  temps  au  temple  de  Ierusalem,  ne  font  pas  bien.  Item,  si  tous  en  general,  mesme  ceulx  qui  sont  retenus  par  force,  ne  doibvent  pas  bien  souspirer,  se  voyans  destituez  des  moyens  ordinaires  qui  estoyent  pour  les  conduire  a  Dieu?  Les  bestes,  qui  n'ont  ne  sens  ne  raison,  brairont  bien  apres  la  pasture:  et  ceulx  qui  se  disent  enfans  de  Dieu  ne  se  soulcieront  de  ce  qui  est  pour  nourrir  et  entretenir  [f.  42]  leur  foy?  Et  encore  ne  se  conten  ten  t-ils  pas  de  fouler  orgueilleusement  au  pied  des  graces  de  Dieu  si  precieuses,  mais  ils  se  mocquent  de  ceulx  qui  courent  en  pais  estrange,  pour  les  cercher  et  en  iouir.  Quant  a  leur  fierete,  laquelle  leur  faict  a  croire  que  les  sermons,  les  prieres  publicques  et  les  Sacremens  leur  sont  comme  choses  superflues,  il  ne  fault  autre  tesmoignage  pour  les  excommunier  et  bannir  de  l'Eglise  de  Dieu.  Qu'ainsi  soit,  sainct  Paul  ne  dit  pas  que  Tordre  que  nostre  Seigneur  a  mis  en  son  Eglise  soit  seulement  pour  les  rudes  et  les  simples:  mais  il  le  faict  commun  a  tous,  sans  en  excepter  nul.  Il  a  ordonne,  dit-il  (Ephes.  4,  11),  des  Apostres,  Pasteurs  et  Docteurs,  pour  l'establissement  des  Saincts,  pour  l'edification  du  corps  de  Christ,  iusques  a  ce  que  nous  parvenions  tous  en  l'unite  de  foy,  en  homme  parfaict,  en  la  mesure  de  l'aage  entiere  de  Christ.  Notons  bien  qu'il  ne  dit  pas  que  Dieu  a  laisse  PEseripture  a  fin  que  chascun  y  lise;  mais  qu'il  a  institue  une  police,  qu'il  y  ait  gens  pour  enseigner;  et  soubs  cela  il  comprend  tout  le  reste,  qui  en  est  comme  une  dependance.  Parquoy,  si  chascun  lit  en  prive,  cela  n'empesche  point  qu'on  escoute  en  publicque.  Et  a  qui  est-ce  qu'il  s'addresse?  aux  grans  et  aux  petis  indifferemment.  Dit-il