7:412  fontibus  ipsis  peterent.  Saltem  ne  posthac  Romanensibus  molesti  sint,  hoc  decreto  abunde  provisum  est.  Nonne  hoc  est  Graeciam  totumque  Orientem  subigere?  Unum  adhuc  deerat:  semper  enim  emergunt  homines  morosi,  quibus  satisfieri  aliter  nequit,  nisi  scripturis  probetur  quod  vertitur  in  quaestione.  Sunt  alii  nimium  perspicaces,  qui  etiam  in  vulgata  translatione  arma  reperiunt,  quibus  ad  lacessendum  papatum  instruantur.  Ne  quid  inde  accipiant  damni,  optimum  remedium  excogitant,  dum  sibi  legitimam  adiudicant  scripturae  interpretationem.  Quis  iam  male  providos  existimet?  qui  uno  capite  huc  perveniunt,  ut  quidvis  habeant  ex  scriptura  probatum:  et  nullo  scripturae  testimonio  quantumvis  contrario  urgeantur.  Nam  si  confessio  probanda  est:  in  promptu  erit  illud:  Ostendite  [pag.  95]  vos  sacerdotibus.  Si  quaeratur,  an  ad  mortuorum  intercessionem  confugiendum  sit,  statim  illud  occurret:  Ad  aliquem  sanctorum  convertere.  Item:  Pro  hac  orabit  ad  te  omnis  sanctus.  Nec  purgatorium  destituetur  certo  fundamento,  quia  scriptum  est:  Non  exibit  inde,  donec  solverit  ultimum  quadrantem.  Denique,  licebit  quidlibet  ex  quolibet  facere.  Quum  antehac  eiusmodi  testimonia  proferebant,  iam  erant  pueris  quoque  ipsis  ridiculi:  nunc  ius  authenticae  interpretationis  scrupulum  omnem,  si  illis  creditur,  eximet.  Quod  autem  tam  clarum  aut  firmum  testimonium  illis  contra  obiicietur,  quod  non  eludent?  Impune  enim  qualicunque  cavillo  se  expedient.  Adversus  contrarias  rationes  hic  oppositus  erit  murus  aheneus:  Tu  quis  es,  qui  ecclesiae  interpretationi  obstrepis?  Hoc  scilicet  est,  quod  vulgari  proverbio  inter  se  praedicant,  scripturam  esse  nasum  cereum:  quia  converti  possit  in  omnes  formas.  Si  eiusmodi  postulata  mathematicis  darentur,  non  modo  ex  cubito  palmum  facerent:  sed  stadium  evincerent  cubito  brevius,  donec  miscerent  coelum  terrae.2)  Quid  ergo  cum  hac  victrice,  et  iam  quasi  triumphali  sessione  nobis  agendum  est?  nempe,  ut  stando  discutiamus  istos  fumos.  Quod  ad  traditiones  attinet:  scio  illarum  non  raram  fieri  mentionem  a  vetustis  scriptoribus:  sed  non  eo  consilio,  ut  fides  [pag.  96]  nostra  extra  scripturas  excurrat,  in  quibus  ipsam  perpetuo  includunt.  Ritus  tantum  quosdam  apostolis  referunt  acceptos:  quorum  pars  ab  illis  1)  festum  proximum.  Indictio  futurae  sessionis  legitur  in  ed.  Gottmgensi  Tom  II.  p.  20.  2)  Haec  postrema  absunt  a  textu  gallico.