32:412  repellendos  hostes,  quum  nemo  vim  aut  molestiam  inferat.  Eodem  pertinet  clamor  in  plateis,  qui  ex  subito  tumultu  exoritur.  Sensus  ergo  est,  nulla  inquietudine  turbari  urbes:  quia  Deus  hostes  procul  arceat.  15.  (Beatus  populus  cui  sic.)  Concludit  hoc  modo,  satis  testatum  esse  et  conspicuum  erga  suos  Dei  favorem.  Si  quis  obiiciat,  nihil  nisi  crassum  et  terrenum  spirare,  quod  de  felicitate  hominum  aestimat  ex  caducis  commodis:  respondeo,  haec  duo  coniunctim  legenda  esse,  beatos  esse  qui  in  sua  abundantia  Deum  sibi  propitium  sentiunt:  et  sic  eius  gratiam  degustant  in  benedictionibus  caducis,  ut  de  paterno  eius  amore  persuasi  adspirent  ad  veram  haereditatem.  Nec  vero  absurde  hoc  dicitur,  beatos  esse  quibus  in  hoc  mundo  Deus  benedicet,  modo  ne  in  ipsa  fruitione  et  usu  caecutiant,  vel  socordes  ac  stupidi  negligant  autorem.  Nam  quod  nonnullis  vitae  subsidiis  destitui  nos  Deus  patitur,  haec  certe  tam  benigna  eius  providentia  illustre  rari  amoris  speculum  est.  Quid  autem  optabilius,  quam  nos  Deo  curae  esse?  praesertim  ubi  non  ita  insipidi  animi  sunt  quin  Deum  colligant  sibi  esse  patrem,  qui  tam  liberaliter  ab  eo  aluntur.  Nam  ad  hunc  scopum  referri  debent  omnia.  Et  alioqui  inedia  statim  consumi  praestaret,  quam  satiari  brutorum  animalium  instar:  nec  tenere  hoc  praecipuum  caput,  beatos  esse  quos  Deus  in  populum  elegit.  Interea  notandum  est,  quamvis  partem  aliquam  felicitatis  gustandam  nobis  Deus  in  potu  et  cibo  delibet,  non  ideo  tamen  miseros  esse  fideles  qui  per  inopiam  et  egestatem  aegre  vitam  trahunt:  quia  defectum  hunc,  qualiscunque  est,  solatiis  melioribus  Deus  supplet  PSALMUS  CXLY.  ARGr.  Propheta  secum  reputans  admirabilem  Dei  sapientiam,  bonitatem,  iustitiam,  primum  in  tota  mundi  gubernatione,  praesertim  vero  tuendo,  fovendo,  et  regendo  genere  humano,  effertur  ad  celebrandas  eius  laudes.  Postquam  autem  in  genere  elogia  providentiae  eius  recensuit,  tandem  descendit  ad  peculiarem  gratiam  qua  dignatur  suos  fideles.  Laus  Davidis.  1.  Extollam  te  Deus  meus  rex,  et  benedicam  nomini  tuo  in  saeculum  et  usque.  2.  Quotidie  benedicam  tibi,  ei  laudabo  nomen  tuum  in  saeculum  et  usque.  3.  Magnus  Iehova,  et  laudabilis  valde,  et  magnitudinis  eius  non  est  investigatio.  4.  Generatio  generationi  laudabit  opera  tua,  et  potentiam  tuam  narrabunt  5.  Decorem  gloriae  excellentiae  tuae,  et  verba  mirabilium  tuorum  meditabor.*)  6.  Et  *)  Je  mediteray,  en  marge:  ou  parleray.