9:411  411  EXPOSITIO  IMPIETATIS  412  Illustrissimi  ac  vere  pii  domini,  si  vos  legistis  illam  meam  confessionem,  quam  iussu  vestro  nudiusquartus  extemplo  exaravi,  non  dubito  quin  ex  ea  facile  intellexeritis,  me  sat  disertis  verbis  ostendisse,  sententiam  D.  Calvini  quaternitatem  statuere,  non  trinitatem.  Quum  vero  [pag.  91]  nudiustertius  ipsius  D.  Calvini  praecipuae  partes  essent,  se  tam  exsecrabili  errore  expurgare,  sciens  se  malam  causam  apud  hoc  sanctissimum  Dei  tribunal  minime  posse  sustinere  (ut  vos  probe  nostis)  ne  verbum  quidem  fecit,  sed  totum  tempus  terens  in  conviciis,  et  nescio  quibus  nugis  Serveti,  artificiose  quidem,  sed  parum  honeste  elusit.  Equidem  bis  coepi  rem  (ut  dicitur)  acu  attingere:  sed  ille  sua  mordacitate  et  conviciis  me  semper  deterruit.  Insuper  (ut  vos  ipsi  audire  potuistis)  minatus  est  hoc  in  caput  meum  esse  vertendum.  Quapropter  quum  satis  aperte  declararit  se  esse  animo  in  me  nimis  infenso,  peto  a  vobis,  Illustrissimi  domini,  ne  potentia  et  volubilitate  linguae  hominis  mea  innocentia  opprimatur,  ut  mihi  patronum  et  advocatum  concedatis,  qui  meam  optimam  causam,  ut  par  est,  tueatur.  Nam  ingenue  fateor  me  non  posse  tuta  conscientia  quaternitatem  D.  Calvini  admittere.  Exhibeat  ille,  ut  tantum  Dei  ministrum  decet,  veram  trinitatem,  et  nulla  erit  inter  nos  controversia.  Siquidem  eo  sum  natus  ingenio,  ut  veritatem  promptam  in  fronte  geram.  Ut  enim  ipsam  quaternitatem  pernego,  sic  veram  trinitatem,  et  unitatem  toto  pectore  amplector.  Praeterea  vos  oratos  etiam  atque  etiam  velim,  me,  quo  possim  extra  carcerem  meam  causam  tueri,  sub  idonea  cautione  liberari,  [pag.  92]  Meam  enim  innocentiam  et  integritatem  spero  adeo  cunctis  ecclesiis  notam  facere,  et  quasi  manibus  tractandam  praebere,  ut  ipsi  etiam  adversarii  fateantur  me  boni  ac  pii  viri  munere  functum  fuisse.  Haec  pauca  visum  est,  Illustrissimi  domini,  a  vobis  perquam  humiliter  postulare,  certo  sciens,  qua  estis  sanctitate  ac  pietate  praediti,  vos  quod  rectum  est  exsequuturos,  praeterea  nihil:  praesertim  quum  me  esse  peregrinum  hominem,  imperitum  linguae  vestrae,  ac  prorsus  ignarum  rerum  curialium  probe  intelligatis.  Sic  unicus  ille  Deus  Israel  verus  ac  naturalis  pater  verbi,  cuius  causa  nunc  agitur,  huic  sanctissimo  tribunali  sua  virtute  perpetuo  assistat,  vosque  omnes,  et  hanc  urbem  vestram  in  dies  magis  magisque  suis  donis  augeat  exornetque.  Dixi.  Inutilis  Christi  servus,  Valentinus  Gentilis  Cosentinus.  Illustrissimi  ac  clementissimi  domini:  Nisi  causain  meam  vobis  magis,  quam  mihi  ipsi  notam  esse  plane  intelligerem,  pluribus  equidem  vobiscum  agerem.  Sed  quia  rem  omnem  probe  tenetis,  paucis  me  expediam.  Principio  nostis  me  iussu  vestro  confessionem  edidisse.  Illa  autem  edita  meas  partes  esse  duxi,  quidquid  ad  eam  rem  pertineret,  sine  fuco  ecclesiae  proponere,  eaque  ratione  conscientiam  meam  omni  scrupulo