8:411  411  QUATRE  SERMONS.  412  prit,  que  iamais  il  y  en  a  eu.  Il  ne  parle  point  de  ce  qui  est  utile  et  bon  au  commun  populaire  ;  mais  ii  proteste,  quant  a  soy,  que  rien  ne  luy  est  plus  desirable  que  de  se  povoir  trouver  en  l'assemblee  du  peuple  de  Dieu,  a  fin  que,  declarant  sa  foy,  il  soit  tousiours  plus  edifie  en  icelle  par  la  doctrine  de  salut  qui  s'y  presche,  et  par  les  Sacremens.  Ce  n'est  pas  seulement  yci  qu'il  faict  une  telle  protestation,  mais  en  beaucoup  d'autres  passages,  comme  au  Pseaulme  precedent  (26,  8),  quand  il  dit:  Seigneur,  i'ay  aime  la  demeure  de  ta  maison,  et  le  lieu  ou  ta  gloire  ha  son  domicile.  Item,  au  Pseaulme  42:  Comme  un  cerf  souhaite  de  se  refreschir  en  l'eaue,  ainsi  mon  ame  desire  apres  toy,  Seigneur:  mon  ame  brusle  de  soif  en  cerchant  Dieu.  Quand  sera-ce  que  ie  viendray  pour  comparoistre  devant  la  face  de  Dieu  vivant?  C'estoit  bien  assez  d'avoir  dict  cela:  mais  son  desir  le  transporte  plus  hault,  car  il  adiouste  qu'il  s'est  repeu  de  larmes  pendant  qu'il  estoit  prive  de  povoir  venir  au  Temple.  Il  adiouste  encore  plus,  que  son  cueur  s'est  escoule  quand  il  s'est  souvenu  du  temps  qu'il  alloit  au  Temple,  louant  Dieu  en  la  troupe  des  fideles.  Apres  avoir  bien  gemi,  faict  ses  plainctes  et  iecte  ses  regrets,  il  ne  trouve  meilleure  consolation  qu'en  l'esperance  qu'il  conceoit  que  Dieu  luy  rendra  ce  bien  qu'il  avoit  perdu.  Mon  ame,  dit-il,  pourquoy  te  troubles-tu  et  te  tempestes  dedans  moy?  Encore  verray-ie  derechef  la  face  du  Seigneur  Comme  aussi  au  Pseaulme  43,  il  reitere  1e  mesme  propos.  Sur  tout  au  Pseaulme  84,  il  declare  combien  il  est  affectionne  a  cela.  Car  apres  s'estre  escrie:  O  Dieu  des  armees,  combien  ton  tabernacle  est-il  a  aimer!  il  dit  que  son  cueur  et  son  corps  sont  tressaillis  de  Fardent  desir  qu'il  avoit  d'entrer  au  parvis  du  Seigneur.  Il  met  la  raison  que  ceulx  qui  habitent  en  la  maison  de  Dieu  sont  bien-heureux,  pource  qu'ils  le  louent;  c'est  a  dire  que,  d'un  commun  [f.  41]  accord,  ils  recognoissent  ses  graces  et  se  glorifient  en  luy,  faisans  confession  de  leur  foy.  Puis  que  David,  lequel  estoit  tant  avance  en  toute  sainctete,  et  mesme  estoit  comme  un  ange  du  ciel  habitant  au  monde,  recognoist  qu'il  a  si  grand  besoing  d'estre  aide  et  incite  par  les  moyens  que  Dieu  a  donnez  a  son  peuple,  ie  vous  prie,  que  sera-ce  de  nous,  qui  sommes  si  rudes  et  si  terrestres,  et  desquels  la  foy  est  si  petite,  la  devotion  si  maigre  et  si  froide?  Il  fault  bien  conclure,  encores  que  David,  pour  la  perfection  qui  estoit  en  luy,  se  fust  bien  passe  de  telles  aides  inferieures,  qu'elles  nous  sont  plus  que  necessaires,  attendu  l'infirmite  qui  est  en  nous.  Mais  quoy?  ceulx  qui  sont  les  plus  parfaicts  cognoissent  beaucoup  mieulx  ce  qui  leur  default,  que  ceulx  qui  n'ont  du  tout  rien.  David  est-il  bien  doue  de  vertus  angeliques?  cela  luy  fait  mieulx