7:411  411  ACTA  SYNODI  TRIDENTINAE  412  Item,  haec  sacrosancta  Synodus  statuit,  et  decrevit,  1)  proximam  futuram  Sessionem  tenendam  et  celebrandam  esse  feria  quinta,  post  sacratissimum  festum1)  Pentecostes.  IN  QUARTAM  SESSIONEM.  Vetus  est  proverbium:  Romani  sedendo  vincunt.  Hac  fiducia  degeneres  isti  ac  spurii  romanae  sedis,  hoc  est,  magnae  meretricis  filii,  ad  vincendum  se  composuerunt,  indicta  tertia  sessione.  Quid  enim  prohibet,  quominus  erecto  trophaeo,  voti  compotes  abeant:  si  illis  conceditur  quod  uno  decreto  complexi  sunt?  Quatuor  autem  sunt  capita.  Primo  definiunt,  in  doctrina  non  solis  scripturis  standum  [pag  93]  esse,  sed  traditis  etiam  per  manus  placitis.  Deinde,  in  conficiendo  scripturae  catalogo,  eadem  libros  omnes  creta  notant:2)  et  apocryphos  vetant  ex  aliorum  ordine  submoveri.  Tertio,  repudiatis  aliis  quibuscunque  interpretationibus,  vulgatam  solam  retinent,  ac  iubent  esse  authenticam.  Postremo,  sibi  in  locis  omnibus  vel  obscuris,  vel  dubiis,  ius  interpretationis  vindicant,  absque  provocatione.  Quatuor  istis  constitutis,  quis  neget  esse  debellatum?  Itaque,  supervacuae  magis  ostentationis  causa,3)  postea  disputarunt,  quam  quod  ita  necesse  foret.  Quidquid  enim  protulerint,  si  nulla  scripturae  autoritate  fultum  erit,  inter  traditiones  numerabitur:  quas  nihilo  minus  fidei  habere  volunt,  quam  legem  et  prophetas.  Quid  vero  iam  licebit  improbare?  quum  nullum  sit  tam  crassum  aut  anile  delirium,  quod  non  hoc  praetextu  defendant.  Imo  nulla  est  tam  prodigiosa  superstitio,  cui  non  hunc,  veluti  Aiacis  clypeum,  applicent,  quo  muniatur.  Adde,  quod  sibi  nova  suffragia  comparant,  quum  libros  apocryphos  autoritate  dignantur.  Ex  secundo  Machabaeorum  et  purgatorium  probabitur,  et  sanctorum  intercessio.  Ex  Tobia,  satisfactiones,  exorcismi:  4)  et  quid  non?  Ab  Ecclesiastico  non  pauca  mutuabuntur.  Unde  enim  faecem  melius  haurirent?  Quanquam  non  is  sum  qui  [pag.  94]  lectionem  horum  librorum  velim  prorsus  improbare:  sed  fidem  illis  tribuere,  quae  hactenus  nunquam  habita  fuit,  quorsum  attinebat,  nisi  ut  ad  colorandos  suos  errores  adulterino  fuco  uterentur?  Verum,  quia  saepe  ex  hebraica  aut  graeca  veritate  refellitur  istorum  inscitia  in  citandis  scripturis,  et  temeritas  cohibetur,  adeoque  retunditur  thrasonica  iactantia:  huic  quoque  modo  ingeniose  occurrunt,  dum  statuunt,  ut  sola  ad  fidem  valeat  vulgata  translatio.  Eant  nunc  qui  multum  operae  temporisque  consumpserunt  in  linguarum  studio,  ut  genuinum  scripturae  sensum  ex  1)  decernit.  2)  font  le  tout  passer  par  un  fidelium.  3)  par  forme  d'acquit  et  par  ceremonie.  4)  enchantemens  de  chandelles  benites.