6:411  TRAICTE  DES  RELIQUES.  nostre  Seigneur,  dit  qu'elle  n'adora,  sinon  le  Seigneur  qui  y  avoit  pendu,  et  non  pas  le  bois.  Mais  c'est  une  chose  bien  rare,  d'avoir  le  cueur  addonne  a  quelques  reliques  que  ce  soit,  qu'on  ne  se  contamine  et  pollue  quant  et  quant  de  quelque  superstition.  Ie  confesse  qu'on  ne  vient  pas  du  premier  coup  a  idolatrie  manifeste:  mais  petit  a  petit  on  vient  d'un  abus  a  l'autre,  iusque  a  ce  qu'on  tresbuche  en  l'extremite.  Tant  y  a  que  le  peuple  qui  se  dict  Chrestien  en  est  venu  iusques  la,  qu'il  a  pleinement  idolatre  en  cest  endroit,  autant  que  feirent  iamais  payens.  Car  on  s'est  prosterne  et  agenouille  devant  les  reliques,  tout  ainsi  que  devant  Dieu:  on  leur  a  allume  torches  et  chandelles  en  signe  d'hommage:  on  y  a  mis  sa  fiance:  on  a  la  eu  son  recours,  comme  si  la  vertu  et  la  grace  de  Dieu  y  eust  este  enclose.  Si  l'idolatrie  n'est  sinon  transferer  l'honneur  de  Dieu  ailleurs,  nyerons  nous  que  cela  [page  8]  ne  soit  idolatrie?  Et  ne  faut  excuser  que  ce  a  este  un  zele  desordonne  de  quelques  rudes  et  ydiotz,  ou  de  simples  femmes.  Car  ce  a  este  un  desordre  general,  approuve  de  ceux  qui  avoyent  le  gouvernement  et  conduicte  de  l'eglise;  et  mesmes  on  a  colloque  les  os  des  morts  et  toutes  autres  reliques  sus  le  grand  autel,  au  lieu  le  plus  haut  et  le  plus  eminent,  pour  les  faire  adorer  plus  autentiquement.  Voila  donc  comme  la  folle  curiosite  qu'on  a  eu  du  commencement  a  faire  tresor  de  reliques,  est  venue  en  ceste  abomination  toute  ouverte,  que  non  seulement  on  s'est  detourne  du  tout  de  Dieu,  pour  s'amuser  a  choses  corruptibles  et  vaines,  mais  que,  par  sacrilege  execrable,  on  a  adore  les  creatures  mortes  et  insensibles,  au  lieu  du  seul  Dieu  vivant  (Rom.  1,  25).  Or,  comme  un  mal  n'est  iamais  seul,  qu'il  n'en  attire  un  autre,  ceste  nialheurete  est  survenue  depuis  qu'on  a  receu  pour  reliques,  tant  de  Iesus  Christ  que  de  ses  sainctz,  ie  ne  say  quelles  ordures,  ou  ii  n'y  a  ne  raison  ne  propos;  et  [page  9]  que  le  monde  a  este  si  aveugle,  que  quelque  tiltre  qu'on  imposast  a  chascun  fatras  qu'on  luy  presentoit,  il  Fa  receu  sans  iugement  n'inquisition  aucune.  Ainsi,  quelques  os  d'asne  ou  de  chien,  que  le  premier  moqueur  ait  voulu  mettre  en  avant  pour  os  de  martyr,  on  n'a  point  faict  difficulte  de  les  recevoir  bien  devotement.  Autant  en  a  il  este  de  tout  le  reste,  comme  il  sera  traicte  cy-apres.  De  ma  part,  ie  ne  doubte  pas  que  ce  n'ayt  este  une  iuste  punition  de  Dieu.  Car  puis  que  le  monde  estoit  enraige  apres  les  reliques,  pour  en  abuser  en  superstition  perverse,  c'estoit  bien  raison  que  Dieu  permist  que  apres  un  mensonge  un  autre  surveinst.  C'est  ainsi  qu'il  a  accoustume  de  se  venger  du  deshonneur  qui  est  faict  a  son  Nom,  quand  on  transporte  sa  gloire  ailleurs.  Pourtant,  ce  qu'il  y  a  tant  de  faulses  reliques  et  controuvees  par  tout,  cela