54:411  411  SERMON  III  412  l'Evangile  par  tout  le  monde,  a  toutes  creatures.  H  faloit  donc  que  sainct  Paul  executast  sa  commission  tant  que  luy  estoit  possible,  qu'il  allast  de  lieu  a  autre  pour  mettre  l'Evangile  par  tout.  Maintenant  venons  a  scavoir  s'il  suffit  d'avoir  presche  ou  un  demi  an,  ou  trois  mois  en  un  lieu,  ou  un  an.  Nenni:  il  faut  que  cela  continue,  ou  l'edifice  tomberoit  tantost,  que  tout  ce  qu'on  auroit  commence,  ne  serviroit  de  rien,  sinon  qu'on  y  continuast,  encores  que  le  fondement  fust  fait,  il  faut  bastir  dessus,  ou  tout  ne  vaudra  rien  qui  soit.  Si  on  a  basti  un  pan  de  muraille,  de  quoy  servira-il  sinon  que  toute  la  maison  s'acheve?  Ainsi  en  estoit-ii  de  l'Evangile,  qu'il  ne  faloit  point  prescher  pour  quelque  espace  de  temps,  mais  il  faloit  que  les  Apostres  commissent  en  leur  lieu  des  Evesques,  comme  sainct  Paul  use  de  ce  nom-la  en  l'autre  passage,  quand  il  parle  de  l'ordre  continuel  de  l'Eglise.  Et  la  dessus  il  faloit  aussi  qu'il  y  eust  des  Pasteurs  establis,  comme  il  en  parle  ici.  Car  voila  en  quoy  differe  l'office  d'Apostre  et  de  Pasteur.  Un  Pasteur  sera  commis  en  un  lieu  certain,  et  il  faut  qu'il  se  tiene  la  comme  lie.  Un  Apostre  aura  la  charge  d'aller  par  tout  le  monde:  et  l'office  d'Apostre  n'a  este  que  temporel,  iusqu'a  ce  que  l'Evangile  fust  publie  par  tout  le  monde.  Alors  il  a  falu  qu'il  y  eust  des  Apostres  :  mais  cela  cesse,  il  n'y  a  plus  que  l'ordinaire,  c'est  ascavoir  des  Pasteurs.  Les  Apostres  ont  este  comme  lieutenans  pour  mettre  Iesus  Christ  en  possession  de  son  royaume:  comme  sainct  Paul  dit  que  par  ce  moyen  a  este  accompli  ce  qui  est  contenu  au  Prophete  Isaie,  I'ay  este  cognu  de  ceux  qui  ne  s'estoyent  point  enquis  de  moy:  la  ou  mon  nom  n'avoit  point  este  ouy,  ie  me  suis  manifeste.  Yoila  (di-ie)  a  quoy  a  este  ordonne  sainct  Paul  et  ses  semblables,  qu'il  faloit  qu'ils  anoncassent  la  parole  de  Dieu  la  ou  elle  n'avoit  point  este  cognue  auparavant,  qu'il  avancassent  le  regne  de  nostre  Seigneur  Iesus  Christ,  qu'ils  retirassent  les  peuples  qui  avoyent  este  eslongnez  auparavant,  qu'ils  recueillissent  au  troupeau  ceux  qui  avoyent  este  comme  bestes  sauvages,  et  qu'ils  les  reduisissent  sous  l'obeissance  du  grand  Pasteur  et  souverain  qui  leur  a  este  donne  de  Dieu  le  Pere.  Mais  quant  aux  Pasteurs,  ils  ont  eu  un  office  tout  autre:  c'est  qu'un  chacun  avoit  un  lieu  certain  et  assigne,  ou  il  faloit  qu'ils  se  teinssent.  Or  maintenant  les  Pasteurs  sont  eleus.  Et  comment?  Non  pas  comme  ont  este  les  Apostres,  qu'il  leur  faloit  aller  par  tout  le  monde  sans  s'arrester:  mais  il  faut  qu'un  chacun  Pasteur  cognoisse  la  charge  qui  luy  est  commise,  et  quand  il  est  constitue  en  un  lieu,  qu'il  travaille  fidelement,  et  qu'il  s'y  employe.  C'est  donc  ce  que  sainct  Paul  a  voulu  monstrer  en  ce  passage,  quand  il  dit,  Ie  Vay  laisse  en  Crete,  afin  que  tu  establisses  des  Pasteurs,  ou  des  Prestres