52:411  411  BP1ST.  PAULI  AD  TITUM  412  mus  ab  antiquo  interprete  positum  retinuit,  minime  exprimit  Pauli  mentem.  Nam  quo  maior  in  habendo  delectu  adhibeatur  cura,  hoc  tam  honorifico  encomio  episcopatum  ornat,  quod  sit  praefectura  domus  Dei:  sicuti  ad  Timotheum:  Ut  scias  quomodo  te  versari  oporteat  in  domo  Dei,  quae  est  ecclesia  Dei  vivi,  columna  et  firmamentum  veritatis  (1.  Timo.  3,  15).  Porro  locus  hic  abunde  docet,  nullum  esse  presbyteri  et  episcopi  discrimen:  quia  nunc  secundo  nomine  promiscue  appellat  quos  prius  vocavit  presbyteros.  Imo  idem  prosequens  argumentum,  utrumque  nomen  indifferenter  eodem  sensu  usurpat:  quemadmodum  et  Hieronymus  tum  hoc  loco,  tum  in  epistola  ad  Evagrium  annotavit.  Atque  hinc  perspicere  licet  quanto  plus  delatum  hominum  placitis  fuerit  quam  decebat,  quia  abrogato  spiritus  sancti  sermone,  usus  hominum  arbitrio  inductus  praevaluit.  Mihi  quidem  non  displicet  quod  statim  ab  ecclesiae  primordiis  receptum  fuit  ut  singula  episcoporum  collegia  unum  aliquem  moderatorem  habeant  :  verum  nomen  officii  quod  Deus  in  commune  omnibus  dederat,  in  unum  solum  transferri  reliquis  spoliatis,  et  iniurium  est,  et  absurdum.  /  Deinde  sic  pervertere  spiritus  sancti  linguam,  ut  nobis  eaedem  voces  aliud  quam  voluerit  significent,  nimis  profanae  audaciae  est/  Non  praefractum.  Hoc  vitium  in  episcopo  non  abs  re  damnat:  cuius  officium  est,  non  tantum  comiter  eos  qui  ultro  accedunt  excipere:  sed  etiam  allicere  qui  se  subducunt,  ut  omnes  pariter  Christo  adducat.  Atqui  aofrofoeca  (ut  quadam  ad  Dionem  epistola  inquit  Plato)  xfjc  ipy^fu'ac  eaxl  Covotxoc,  hoc  est,  pertinacia,  dum  sibi  quispiam  nimium  addictus  est,  contubernalis  est  solitudinis.  Societas  enim  et  amicitia  foveri  nequit,  ubi  quispiam  ita  sibi  placet,  ut  aliis  cedere  ac  se  accommodare  renuat.  Et  certe  omnis  aofraSqc,  simul  ac  se  occasio  dederit,  statim  fiet  schismaticus.  Unde  apparet  quam  noxia  sit  pestis  quae  dissidiis  ecclesiam  lacerat.  Huic  autem  vitio  primum  docilitas,  et  deinde  erga  omnes  comitas  et  modestia  opponitur.  Neque  enim  unquam  bene  docebit  episcopus,  qui  non  paratus  sit  etiam  discere.  Celebratur  ab  Augustino  Cypriani  sententia,  Tam  patienter  discat,  quam  scienter  doceat.  Deinde  opus  saepe  habent  consilio  et  monitionibus  episcopi.  Si  recusent  moneri,  si  sana  consilia  respuant,  subinde  cum  magna  ecclesiae  iactura  praecipites  ruent.  Remedium  ergo  his  malis  est,  ne  sibi  sapiant.  ^iXaya-frov  vertere  malui  studiosum  b  e  n  i  g  n  i  t  a  t  i  s  ,  quam  cum  Erasmo,  bonarum  rerum.  Hanc  enim  virtutem  cum  hospitalitate  Paulus  avaritiae  et  sordibus  opponere  viedetur.  I  u  s  t  um  vocat,  qui  innocenter  versatur  inter  homines.  S  a  n  c  t  i  u  s  ad  Deum  respectum  habet.  Nam  et  Plato  duo  haec  sic  distinguit.  9.  Tenacem,  ete.  Haec  vero  prima  dos  est  epis-