9:410  designari.  Sic  etiam  paulo  post  :  Ut  credant  patrem  et  filium  in  suis  quemque  nominibus  et  personis.  Ubi  autem  essentiae  fit  mentio,  sermonem  docet  nihil  aliud  esse  quam  Deum.  Quare  Tertullianum,  qui  totus  nobter  est,  committere  nobiscum  in  certamen  volens,  non  minus  tuam  impudentiam  quam  inscitiam  prodis.  Simplicior  quidem  confessio  et  docendi  forma  [pag.  89]  nos  oblectaret:  sed  quia  ad  crepandas  horribiles  blasphemias  te  impulit  Satan,  nos  officii  ratio  ad  hanc  sanae  doctrinae  defensionem  impulit  ac  coegit.  Dominus  ambitione  et  superbia  te  purget,  subigat  tuam  contumaciam,  pravam  curiositatem  corrigat:  quo  te  mansuetum  et  docilem  veris  monitionibus  incipias  praebere:  alioqui  te  compescat.  Hoc  responso  accepto,  etsi  in  eadem  qua  coej  perat  petulantia  audacter  ad  dies  aliquot  perrexit,  sicuti  ex  eius  conviciis  apparet:  ubi  tamen  secum  propius  expendit,  se  intemperanter  furendo  nihil  aliud  quam  iudicum  animos  magis  exasperare,  repente  exterritus,  deposita  priore  fiducia  ad  preces  se  convertit,  ac  poenitentiae  simulationem:  quemadmodum  ex  subiecta  narratione  patet.  BREVIS  SENTENTIA  VALENTINI  GENTILIS  ANTE  ADMISSAM  CONFESSIONEM  DOMINI  CALVINI  DE  TRINITATE.  Equidem  putabam  primam  personam  patris  in  unica  essentia  esse  sophisticam,  atque  ideo  hoc  sensu  excludendam  a  mysterio  trinitatis.  Nam  si  pater  esset  individuum  in  essentia  simile  verbo,  non  diceretur  vere  neque  [pag.  90]  solus  pater,  neque  ingenitus,  neque  principium  totius  trinitatis.  Praeterea  eiusmodi  sententia  quaternitatem  potius,  quam  trinitatem  videretur  constituere.  Quod  sic  probari  potest:  Unica  illa  essentia,  quum  absque  consideratione  personarum  sit  ex  semetipsa  verus  Deus,  et  unaquaeque  trium  personarum  sit  essentialiter  Deus:  sequitur  ergo  quaternitas  non  trinitas.  Quamobrem  existimabam  patrem  esse  ipsam  unicam  essentiam,  verbum  autem  splendorem  gloriae  Dei,  et  impressam  imaginem  subsistentiae  illius,  hac  ratione  a  patre  distinctum,  quod  pater  (ut  ait  Christus)  est  solus  verus  Deus  et  essentialiter,  id  est  informator  individuorum:  verbum  vero,  filius  simul  et  verus  Deus,  neque  duo  dii  tamen:  sed  unus  Deus.  Haec  erat  summa  sententiae  meae  de  vero  patre,  veroque  filio.  Nam  de  spiritu  sancto  nulla  erat  quaestio,  et  tamen  confessioni  domini  Calvini  subscripsi.  Valentinus  Gentilis  manu  propria.