7:410  ad  Titum,  ad  Philemonem,  ad  Hebraeos  :  Petri  Apostoli  duae,  Ioannis  Apostoli  tres,  Iacobi  Apostoli  una,  Iudae  Apostoli  una,  et  Apocalypsis  Ioannis  Apostoli.  Si  quis  autem  Libros  ipsos  integros  cum  omnibus  suis  partibus,  prout  in  Ecclesia  Catholica  legi  consueverunt,  et  in  veteri  vulgata  latina  editione  habentur  pro  sacris  et  Canonicis,  non  susceperit,  et  traditiones  praedictas  sciens  et  prudens  contempserit,  Anathema  sit.  Omnes  itaque  intelligant,  quo  ordine  et  via  ipsa  Synodus  post  iactum  fidei  confessionis  fundamentum,  sit  progressura,  et  quibus  potissimum  testimoniis  ac  praesidiis  in  corfirmandis  dogmatibus  et  instaurandis  in  Ecclesia  moribus  sit  usura.  SECUNDUM  DECRETUM  EIUSDEM  QUARTAE  SESSIONIS.  Insuper  eadem  sacrosancta  Synodus,  considerans,  non  parum  utilitatis  accedere  posse  Ecclesiae  Dei,  si  ex  omnibus  Latinis  editionibus  quae  circumferuntur  [pag.  89]  sacrorum  Librorum,  quaenam  pro  authentica  habenda  sit,  innotescat:  statuit  et  declarat,  ut  haec  ipsa  vetus  et  vulgata  editio,  quae  longo  tot  saeculorum  usu  in  ipsa  Ecclesia  probata  est,  in  publicis  lectionibus,  disputationibus,  praedicationibus  et  expositionibus,  pro  authentica  habeatur,  et  quod2)  nemo  illam  reiicere  quovis  praetextu  audeat,  vel  praesumat.  Praeterea  ad  coercenda  petulantia  ingenia,  decernit,  ut  nemo  suae  prudentiae  innixus,  in  rebus  fidei  et  morum  ad  aedificationem  doctrinae  Christianae  pertinentium,  sacram  Scripturam  ad  suos  sensus  contorquens,  contra  eum  sensum,  quem  tenuit  et  tenet  sancta  Mater  Ecclesia,  cuius  est  iudicare  de  vero  sensu  et  interpretatione  Scripturarum  sanctarum,  aut  etiam  contra  unanimem  consensum  patrum,  ipsam  Scripturam  sacram  interpretari  audeat,  etiam  si  eiusmodi  interpretationes  nullo  unquam  tempore  in  lucem  edendae  forent.  Qui  contravenerint  per  ordinarios  [pag.  90]  declarentur,  et  poenis  a  Iure  statutis  puniantur.  Sed  et  impressoribus  modum  in  hac  parte,  ut  par  est,  imponere  volens,  qui  iam  sine  modo,  hoc  est,  putantes  sibi  licere  quidquid  libet,  sine  licentia  superiorum  Ecclesiasticorum,  ipsos  sacrae  Scripturae  libros,  et  insuper  annotationes,3)  et  expositiones  quorumlibet  indifferenter,  saepe  tacito,  saepe  etiam  ementito  prelo,  et  (quod  gravius  est)  sine  nomine  autoris  imprimunt,  alibi  etiam  impressos  libros  huiusmodi  temere  venales  habent:  decernit  et  statuit  ut  posthac  sa-  1)  Al.  et  Ioannem.  2)  Lege:  ut.  3)  Al.  et  super  illis  annotationes.  era  Scriptura,  potissimum  vero  haec  ipsa  vetus  et  vulgata  editio  quam  emendatissime  imprimatur,  nullique  liceat  imprimere,  vel  imprimi  facere,  quosvis  libros  de  rebus  sacris  sine  nomine  autoris,  neque  illos  im,  futurum  vendere,  aut  etiam  apud  se  retinere,  nisi  primum  examinati  probatique  fuerint  ab  ordinario,  sub  poena  anathematis,  et  pecuniae,  in  Canone  Concilii  novissimi  Lateranensis  apposita.  Et  si  regulares  [pag.  91]  fuerint,  ultra  examinationem  et  probationem  huiusmodi,  licentiam  quoque  a  suis  superioribus  impetrare  teneantur,  recognitis  per  eos  libris,  iuxta  formam  suarum  ordinationum.  Qui  autem  scripto  eos  communicant,  vel  evulgant,  nisi  antea  examinati  probatique  fuerint,  eisdem  poenis  subiaceant,  quibus  impressores,  et  qui  eos  habuerint,  vel  legerint,  nisi  prodiderint  autorem,  1)  pro  autoribus  habeantur.  Ipsa  vero  huiusmodi  librorum  probatio  in  scriptis  detur,  atque  ideo  in  fronte  libri,  vel  scripti,  vel  impressi,  authentice  appareat  Itaque2)  totum,  hoc  est,  probatio  et  examen  gratis  fiat:  ut  probanda  probentur,  et  reprobentur  improbanda.  Post  haec  temeritatem  illam  reprimere  volens,  qua  ad  profana  quaeque  convertuntur  et  torquentur  verba  et  sententiae  sacrae  Scripturae,  ad  scurrilia  scilicet  fabulosa,  vana,  adulationes,  detractiones,  superstitiones  impias,  et  diabolicas  incantationes  et  divinationes  j  sortes,  libellos  etiam  famosos:  [pag.  92]  mandat,  et  praecipit  ad  tollendam  huiusmodi  irreverentiam  et  contemptum,  et  ne  de  caetero  quisquam,  quomodolibet  verba  Scripturae  sacrae  ad  haec  et  similia  audeat  usurpare,  ui  omnes  huius  generis  homines,  temeratores  et  violatores  verbi  Dei,  iuris  et  arbitrii  poenis  per  Episcopos  coerceantur.  1)  Al  autor  e  s.  2)  Lege:  Idque.