6:410  chose  [page  5]  bien  peu  utile,  on  du  tout  superflue  et  frivole,  que  d'avoir  ainsi  des  reliquiaires:  au  contraire,  qu'il  est  bien  difficile,  ou  du  tout  impossible,  que  de  la  on  ne  decline  petit  a  petit  a  idolatrie.  Car  on  ne  se  peut  tenir  de  les  regarder  et  manier  sans  les  honnorer;  et  en  les  honnorant,  il  n'y  a  nulle  mesure  que  incontinent  on  ne  leur  attribue  l'honneur  qui  estoit  deu  a  Iesus  Christ.  Ainsi,  pour  dire  en  brief  ce  qui  en  est,  la  convoitise  d'avoir  des  reliques  n'est  quasi  iamais  sans  superstition,  et,  qui  pis  est,  elle  est  mere  d'idolatrie,  laquelle  est  ordinairement  conioincte  avec.  Chascun  confesse  que  ce  qui  a  esmeu  nostre  Seigneur  a  cacher  le  corps  de  Moyse,  a  este  de  peur  que  le  peuple  d'Israel  n'en  abusast  en  l'adorant  (Deut.  34,  G).  Or,  il  convient  estendre  ce  qui  a  este  faict  en  un  sainct,  a  tous  les  autres,  veu  que  c'est  une  mesme  raison.  Mais  encore  que  nous  laissions  la  les  sainctz,  advisons  que  dit  sainct  Paul  de  Iesus  Christ  mesmes.  Car  il  proteste  do  ne  le  congnoistro  plus  selon  la  chair,  apres  sa  resurrection  (2  Cor.  5,  16),  [page  6]  admonestant  par  ces  motz  que  tout  ce  qui'est  charnel  en  Iesus  Christ  se  doit  oublier  et  mettre  en  arriere,  afin  d'emploier  et  mettre  toute  nostre  affection  a  le  cercher  et  posseder  belon  l'Esprit.  Maintenant  donc,  de  pretendre  que  c'est  une  belle  chose  d'avoir  quelque  memorial,  tant  de  luy  que  des  sainctz,  pour  nous  inciter  a  devotion,  qu'est-ce  sinon  une  feulse  couverture  pour  farder  nostre  folle  cupidite,  qui  n'est  fondee  en  nulle  raison?  Et  mesme  quand  il  sembleroit  advis  que  ceste  raison  feust  suffisante,  puis  quelle  repugne  apertement  a  ce  que  le  S.  Esprit  a  prononce  par  la  bouche  de  sainct  Paul,  que  voulons  nous  plus?  Combien  qu'il  n'est  ia  mestier  de  faire  longue  dispute  sus  ce  poinct,  assavoir  s'il  est  bon  ou  mauvais  d'avoir  des  reliques,  pour  les  garder  seulement  comme  choses  pretieuses  sans  les  adorer.  Car,  ainsi  que  nous  avons  dict,  l'experience  monstre  que  l'un  n'est  presques  iamais  sans  l'autre.  Il  est  bien  vray  que  sainct  Ambroise,  parlant  d'Heleine,  [page  7]  mere  de  Constantin,  Empereur,  laquelle  avecques  grand  peine  et  gros  despens  chercha  la  croix  de