55:410  lingua  rotam  nativitatis  nostrae.  Ac  humanae  quidem  vitae  cursum  rotae  comparat.  Teveotv,  quemadmodum  prius,  pro  natura  accipit.  Sensus  autem  est:  Quum  alia  vitia  vel  aetate  vel  temporis  successu  corrigantur,  vel  saltem  non  occupent  totum  hominem,  vitium  linguae  spargi  ac  grassari  per  omnes  vitae  partes.  Nisi  forte  inflammationem  pro  violento  impulsu  accipere  quis  malit:  quia  Fervidum  vocamus,  quod  rapitur  cum  violentia.  Et  sic  de  rotis  loquutus  est  Horatius:  fervidas  enim  in  certamine  curuli  appellat  ob  rapidam  celeritatem1).  Ita  sensus  esset,  linguam  similem  esse  equis  indomitis:  quia  hominem,  sicuti  illi  currum,  praecipitem  sua  protervia  rapiat.  Quum  a  gehenna  dicit  inflammari,  perinde  est  ac  si  diceret,  linguae  intemperantiam  esse  flammam  ignis  inferni.  Quemadmodum  enim  profani  poetae  fingunt  sceleratos  afflari  furiarum  facibus:  ita  verum  est,  Satanam  tentationum  flabellis,  malorum  omnium  ignem  in  mundo  accendere:  sed  Iacobus  significat  ignem  a  Satana  immissum,  a  lingua  facillime  concipi,  ut  protinus  ardeat.  Breviter  idoneam  esse  recipiendo,  fovendo,  et  augendo  gehenae  igni  materiam.  7.  Omnis  enim  natura  ferarum  et  volucrum  et  serpentum  et  marinorum  a  natura  humana  domatur,  et  domita  est:  8.  linguam  vero  nullus  hominum  domare  potest,  incoercibile  malum,  plena  veneno  mortifero.  9.  Per  ipsam  benedicimus  Deum  et  patrem:  et  per  ipsam  exsecramur  homines  ad  similitudinem  eius  factos.  10.  Ex  eodem  ore  procedit  benedictio  et  maledictio.  Non  convenit,  fratres  mei,  haec  ita  fieri.  l  l  .  An  fons  et  eodem  foramine  eiicit  dulce  et  amarum?  12.  Non  potest,  fratres  mei,  ficus  oleas  proferre,  aut  vitis  ficus:  sic  nullus  fons  salsam  et  dulcem  gignere  aquam.  7.  Omnis  enim.  Confirmatio  est  proximi  membri.  Nam  in  lingua  Satanam  mira  quadam  efficacia  regnare  ex  eo  probat,  quod  nullis  modis  in  ordinem  cogi  potest:  idque  adductis  comparationibus  amplificat.  Nullum  enim  tam  saevum  aut  violentum  animal  esse  dicit  quod  non  dometur  hominum  industria.  Pisces,  qui  alium  quodammodo  orbem  incolunt:  aves,  qnae  tam  mobiles  sunt  ac  vagae:  adeoque  serpentes  generis  humani  inimicos,  interdum  cicurari.  Ergo  quum  lingua  cohiberi  nequeat,  arcanum  quendam  gehennae  ignem  illic  subesse  ac  latere  oportet.  Quod  de  feris  beluis,  serpentibus,  aliisque  tradit,  non  est  de  omnibus  intelligendum:  satis  est  quod  ex  ferocissimis  bestiis  quasdam  hominum  ars  subegit  in  obsequium:  similiter  quod  serpentes  interdum  cicurantur.  Ideo  utroque  tem-  *)  Od.  1.  libri  I.