54:410  veur,  d'autant  qu'il  nous  a  envoye  salut  par  son  Fils  unique:  Iesus  Christ  est  nostre  Sauveur,  d'autant  qu'il  a  accompli  les  choses  qui  estoyent  re*  quises  a  nostre  salut.  Il  est  dit  que  Dieu  a  tant  aime  le  monde  qu'il  n'a  point  espargne  son  Fils  unique,  mais  l'a  livre  a  la  mort  pour  nous.  De  la  il  nous  faut  conclure  que  la  cause  principale  de  nostre  salut  est  ceste  bonne  volonte  que  Dieu  nous  a  portee,  quand  il  luy  a  pleu  de  nous  retirer  de  la  perdition  en  laquelle  nous  estions.  Toila  donc  comme  Dieu  le  Pere  est  nostre  Sauveur,  mais  cependant  il  s'est  declare  en  la  personne  de  son  Fils.  Car  nostre  Seigneur  Iesus  estant  venu  nous  a  rachetez  de  la  servitude  de  mort,  il  a  satisfait  pour  toutes  nos  dettes,  il  a  offert  un  sacrifice  de  son  corps  et  de  son  sang  a  Dieu  son  Pere,  voire  de  son  ame,  afin  que  nous  fussions  absous  devant  Dieu.  Puis  qu'ainsi  est  donc  que  nous  sommes  iustifiez  par  nostre  Seigneur  Iesus  Christ,  et  qu'il  a  apporte  les  choses  qui  estoyent  requises  a  nostre  salut,  ce  n'est  point  sans  cause  qu'il  est  intitule  ici  nostre  Sauveur.  Voila  donc  ce  que  nous  avons  a  retenir,  c'est  quand  il  est  question  de  nostre  salut,  que  nous  cognoissions  qu'il  est  fonde  en  la  misericorde  de  Dieu  le  Pere,  et  qu'il  a  este  accompli  par  nostre  Seigneur  Iesus  Christ,  que  nous  avons  la  comme  un  patron  et  miroir  en  sa  mort  et  passion,  voire  la  verite  et  la  substance  du  sacrifice  qu'il  a  offert  pour  nous,  et  de  la  redemption  par  laquelle  nous  sommes  iustifiez.  Or  sainct  Paul  ayant  ainsi  parle,  declare  pourquoy  il  a  laisse  Tite  en  l'Isle  de  Crete,  c'est  ascavoir  afin  qu'il  corrigeast  avec  toute  sagesse  les  choses  qui  restoyent  encores,  et  qu'il  establist  par  toutes  les  villes  des  Anciens,  ou  des  Prestres.  En  parlant  ainsi  il  ne  veut  pas  instruire  Tite  de  son  devoir,  mais  il  luy  veut  donner  authorite,  afin  que  nul  ne  s'oppose  quand  il  fera  ce  qui  luy  est  commis  en  charge:  comme  s'il  disoit,  Ie  ne  veux  point  que  tu  sois  empesche  quand  tu  ordonneras  en  l'Isle  de  Crete,  et  que  tu  y  disposeras  les  choses  comme  il  appartient,  afin  de  maintenir  l'Eglise  en  son  estat  et  en  bonne  police,  que  tu  ne  sois  point  destourne  de  ce  que  ie  t'ay  commis  en  charge.  Nous  voyons  donc  maintenant  l'intention  de  l'Apostre.  Or  cependant  il  nous  faut  aussi  noter  que  sainct  Paul  n'avoit  point  plus  donne  a  Tite  qu'il  ne  luy  en  estoit  commis  a  luy.  Car  ce  n'estoit  pas  comme  un  empire  ou  une  puissance  royale  qu'il  eust,  mais  seulement  qu'il  fist  office  de  Ministre.  Car  S.  Paul  avoit  la  charge  d'edifier  l'Eglise  de  Dieu,  et  d'avancer  l'edifice,  iusques  a  ce  qu'il  fust  venu  a  sa  perfection.  Maintenant  regardons  pourquoy  sainct  Paul  avoit  la  laisse  Tite.  Or  la  raison  est  toute  patente:  car  il  n'estoit  point  dit  aux  Apostres,  Vous  prescherez  ici  ou  la:  il  estoit  dit,  Vous  preecherez