20:410  nos  expetere  falso  quidam  maledici  sparserunt,  et  stulte  creditum  est.  Fallesius  noster,  praesertim  ob  curatum  ancillae  cancrum,  adeo  se  homini  addixit  ut  propemodum  fascinatus  videri  queat.  Molestiam  a  nobis  vel  primo  die  excutere  non  fuisset  difficile.  Sed  piorum  fratrum  rogatu  ea  peste  agrum  quoque  Bernensem  purgare  studio  fuit.  Nunc  quum  ambiguum  vel  saltem  non  liquidum  responsum  producit,  gloriatur  nebulo  vos  errori  suo  suffragari.  Quod  de  tragoediae  exitu  cupiebas  fieri  certior,  utinam  id  in  praesentia  liceret  praestare.  Sed  magnopere  fallor  nisi  propediem  audiatis,  praeludiis  tantum  quibusdam  ad  maiores  turbas  movendas  viam  sibi  eum  stravisse.  Caeterum  de  vestro  responso  ignosce  si  ex  interiore  animi  mei  sensu  apud  te  libere  sum  conquestus.  Ego  quod  meam  exspectationem  frustrati  estis  amicitiae  nostrae  libenter  condono.  Apud  alios  perinde  dissimulo  ac  si  mihi  omni  ex  parte  satisfactum  esset.  Caeterum  quia  fratris  mei  socer  nonnihil  de  filio  suo  quem  istic  habet  est  sollicitus,  cogor  in  eius  gratiam  tibi  iterum  molestus  esse.  Unum  hoc  abs  te  eius  nomine  impetratum  cupio,  ut  pueri  magistrum  ad  te  voces  deque  illius  profectu  inquiras:  ac  si  comperias,  patris  spem  et  votum  in  eo  fraudari,  mihi  prima  quaque  occasione  significes.  Salutant  vos  omnes  peramanter  collegae  mei.  Meo  etiam  nomine  rogo  ut  plurimam  salutem  reliquis  fratribus  dicas.  Dominus  vos  omnes  tueatur  ac  regat  spiritu  suo.  Genevae  Calendis  Octob.  1552.  Ioannes  Calvinus  vere  tuus.  4164.  YILLIERIUS  CALVINO.  Multa  tradit  et  teterrima  de  vexationibus  piorum  in  Gallia  regnante  Henrico  ll.  (Ex  autographo  Cod.  Genev.  109,  fol.  152  sine  inscriptione.)  S.  D.  Etsi  non  dubito  quin  amici  complures  alii  eorum  quae  hic  geruntur  certiorem  te  faciant,  observande  mihi  pater,  et  pleraque  praecurrens  fama  nunciet,  malui  tamen  inutili,  modo  ne  ingrato  tibi,  literarum  officio  defungi  quam  illud  abs  te  requiri.  Ergo  ardens  illud  crudeleque  concilium1)  4164.1)  On  establit  a  Paris  une  chambre  extraordinaire  pour  vaquer  aux  procez  de  ceux  de  la  religion  surnommez  les  Lutheriens,  lesquels  estoyent  cruellement  brnslez  vifs  s'ils  per