7:41  41  CUM  ANTIDOTO.  42  fingere,  quem  non  requirat,  vel  ab  hominibus  absque  eius  verbo  confictum  amplecti,  sicut  testatur  Isaias:  qui  hac  de  causa,  horribilem  Dei  vindictam  denunciat  populo  israelitico,  quia  Deum  colebat  mandatis  hominum  (Ies.  29,  13).  Et  nota  est  Christi  sententia:  Frustra  me  colunt,  docentes  doctrinas,  praecepta  hominum  (Matth.  15,  8).  De  ciborum  delectu  habemus  Pauli  doctrinam:  Nemo  vos  iudicet  in  cibo  aut  potu  (Col.  2,  16).  Item:  Regnum  Dei  non  est  esca  et  potus  (Rom.  14,  17).  Et  Christi  vocem:  Quod  ingreditur  in  os,  non  coinquinat  hominem  (Matth.  15,  11).  Et  Paulus  alibi  ex  spiritu  sancto  praedicit,  venturos  impostores,  qui  diaboli  instinctu  prohibeant  usum  ciborum,  quos  Deus  creavit,  et  usum  sancti  coniugii  (1  Tim.  4,  3).  Neque  vero  audiendum  est  cavillum  illud:  Paulum  cum  Iudaeis  disputare  in  prioribus  locis.  Hoc  autem  vaticinium  spectare  ad  Tatianos  et  similes.  Nam  si  Deus  ciborum  discrimen  sustulit,  quod  lege  sua  posuerat,  hominumque  potestati  indifferenter  subiecit  omnes  cibos,  quis  nunc  tantum  sibi  sumat,  ut  leges  ipse  novas  fingat,  quibus  libertas  a  Deo  permissa  aboleatur?  Quod  si  iure  conquerebatur  sua  iam  aetate  Augustinus,  ecclesiam,  quam  Dei  misericordia  liberam  esse  voluit,  sic  premi,  ut  tolerabilior  fuisset  Iudaeorum  conditio:  quibus  querelis  deplorabimus  eam,  quae  nunc  est,  servitutem?  ARTICULUS  XXV.  De  votis  et  eorum  valore.  In  eodem  conscientiae  foro  vota  obligant,  etiam  si  monastica  sint:  perpetuae  scilicet  continentiae,  paupertotis  et  obedientiae.  Probatur  primum,  per  illum  versiculum  authenticum:  Verba  ligant  homines,  taurorum  cornua  funes.  Nam  arguendo  a  minori  ad  maius:  Si  debemus  servare  promissa  hominibus,  quanto  magis  Deo?  Quod  autem  Lutherani  obiiciunt,  contractum  non  esse  ratum,  nisi  ex  utriusque  partis  consensu;  item  :  pacta  contra  leges  non  valere  :  responde,  quod  quidquid  fit  bona  intentione,  placet  Deo.  Et  si  quis  mala  intentione  voveat,  tamen  propter  honorem  votorum,  perinde  est,  ac  si  bona  intentione  vovisset,  quantum  ad  ligamen.  Praesertim  hoc  valet  in  votis  monachatus,  propter  dignitatem  professionis,  quia  est  instar  secundi  baptismi,  sicut  dicit  beatus  Thomas.  Quod  etiam  afferunt  Lutherani  aliam  replicam  de  perpetua  continentia,  quod  nemo  tenetur  ad  eam  servandam,  nisi  cui  datum  est  desuper:  responde,  quod  votum  non  propterea  desinit  esse  obligatorium,  quia  deficiat  facultas,  secundum  doctores.  Sed  quaeritur,  utrum  sit  melius  monacho  vel  sacerdoti  fornicari,  vel  uxorem  ducere?  Ad  hoc