58:41  41  DE  IACOB  ET  ESAU.  42  reiette  du  tout:  car  il  n'a  point  en  la  fin  de  part  ne  de  portion  en  l'Eglise.  Ceci  nous  monstre  bien  que  Dieu  nous  a  voulu  tenir  convaincus,  qu'il  n'est  pas  question  de  rien  mettre  en  avant  de  nostre  coste,  et  de  nous  ingerer,  comme  si  nous  avions  quelque  valeur  et  dignite  en  nous  :  car  Dieu  n'est  point  repugnant  a  soy  :  neantmoins  il  a  voulu  ici  monstrer  comme  une  espece  de  repugnance  et  de  contrariete.  C'est  lui  qui  a  ordonne  que  le  premier  nay  de  la  maison  fust  le  chef.  Or  il  a  mis  ceste  loy:  cependant  il  la  renverse:  mais  (comme  i'ay  dit)  le  tout  s'accorde  tres  bien  :  car  Dieu  est  par  dessus  la  Loy  ordinaire,  et  cependant  il  a  voulu  changer  ce  qui  estoit  accoustume  en  la  regle  commune  :  et  il  le  fait,  afin  que  nous  cognoissions  que  ce  n'est  point  (comme  sainct  Paul  aussi  dit)  ne  du  vueillant,  ne  du  courant  :  mais  de  lui  seul,  qui  fait  misericorde  (Rom.  9,  16).  Or  quand  S.  Paul  dit,  que  ce  n'est  pas  de  celui  qui  veut  ne  de  celui  qui  court,  il  n'entend  pas  que  nous  puissions  avoir  quelque  bon  vouloir:  comme  il  le  declare  en  l'autre  passage  (Phil.  2,  13),  c'est  Dieu  qui  le  donne:  et  n'entend  pas  aussi  que  nous  puissions  nous  efforcer  :  mais  il  monstre  que  les  hommes  n'ont  rien,  et  pourtant  qu'ils  ne  peuvent  rien  porter  a  Dieu.  Il  n'y  a  donc  que  sa  seule  misericorde.  Car  si  les  hommes  avoient  quelque  chose  a  l'opposite,  il  faudroit  faire  partage,  et  savoir  ce  qui  seroit  a  Dieu  et  ce  qui  seroit  a  l'homme.  Et  alors  on  pourroit  dire,  que  nous  n'avons  pas  le  tout  de  la  misericorde  de  Dieu  :  mais  qu'il  y  a  nostre  bon  vouloir,  qu'il  y  a  nostre  course,  qu'il  y  a  le  bon  zele.  On  pourroit  ainsi  parler:  mais  sainct  Paul  veut  aneantir  ici  tout  ce  que  les  hommes  peuvent  apporter  d'eux  mesmes,  et  monstre  qu'il  n'y  a  que  la  pure  misericorde  de  Dieu  qui  domine.  Il  est  vrai  que  beaucoup  de  gens  ce  voudroient  efforcer  et  mesme  ils  alleguent  l'exemple  des  Iuifs,  qui  estoient  enflez  comme  crapaux,  d'une  arrogance  diabolique,  qui  pensoient  tenir  Dieu  comme  oblige,  et  qui  vouloient  estre  reputez  iustes  selon  leurs  oeuvres:  mais  en  cela  ils  s'abusent,  et  ne  feront  que  reculer,  au  lieu  de  s'avancer.  Car  quand  les  hommes  presument  ainsi  d'eux  mesmes,  il  est  certain  qu'ils  ravissent  a  Dieu  son  honneur.  Les  voila  donc  sacrileges,  et  ils  sont  pires  que  larrons  et  davantage,  iusques  a  ce  que  Dieu  nous  ait  renouvelez,  il  est  certain  que  quelque  belle  apparence  que  nous  aions,  il  n'y  aura  en  nous  que  toute  puantise,  nous  serons  une  vermine  abominable  devant  Dieu.  Ainsi  donc,  ne  pretendons  pas  que  nous  puissions  ne  vouloir,  ne  courir,  mais  il  faut  que  Dieu  nous  trouvant  comme  perdus,  nous  retire  de  cest  abisme-la,  et  qu'il  nous  separe  d'avec  ceux  avec  lesquels  nous  estions  perdus,  et  ausquels  nous  estions  pareils.  Car  la  condition  (comme  i'ay  dit)  du  genre  humain  est  une.  Vray  est  que  les  uns  sont  enfans  d'ire,  et  les  autres  Dieu