56:41  41  CAPUT  I.  42  meure.  5.  Or  Rebecca  escoutoit  cependant  qu'Isaac  parloit  a  Esau  son  fils.  Esau  donc  s'en  alla  par  les  champs  chasser,  pour  apporter  de  la  venaison.  6.  Adonc  Rebecca  parla  a  Iacob  son  fils,  disant,  Voici,  i'ay  ouy  ton  pere  parlant  a.  Esau  ton  frere:  disant,  7,  Apporte-moy  de  la  venaison,  et  me  fay  quelque  chose  savoureuse  et  i'en  mangeray  r  puis  te  beniray  en  la  presence  de  l'Eternel,  avant  que  mourir.  8,  Maintenant  donc  mon  fils,  obei  a  ma  voix  en  ce  que  ie  te  commande.  9.  Or  t'en  va  au  bercail,  et  me  pren  la,  deux  bons  chevreaux,  afin  que  i'en  face  quelque  chose  d'appetit  pour  ton  pere,  ainsi  qu'il  aime:  10.  Afin  que  quand  tu  l'auras  portee  a  ton  pere,  et  qu'il  aura  mange,  il  te  benisse  avant  sa  mort.  ll.  Adonc  Iacob  respondit  a  Rebecca  sa  mere,  Voici,  Esau  mon  frere  est  homme  velu,  mais  moy  ie  suis  sans  poil:  12.  Si  d'aventure  mon  pere  me  taste,  lors  ie  seray  repute  de  luy  comme  un  abuseur,  et  feray  venir  sur  moy  malediction,  et  non  benediction.  13.  Et  sa  mere  luy  dit,  Mon  fils,  ta  malediction  soit  sur  moy:  seulement  obei  a  ma  voix,  et  va,  et  m'en  prens.  14.  Parquoy  il  s'en  alla  et  en  preint.  et  Papporta  a  sa  mere.  Et  sa  mere  appresta  les  viandes  telles  que  le  pere  d'iceluy  aimoit.  15.  Puis  elle  preint  des  precieux  vestemens  d'Esau  son  gran  fils,  qu'elle  avoit  chez  elle  en  la  maison,  et  en  vestit  Iacob  son  fils  le  plus  ieune.  16.  Et  enveloppa  des  peaux  des  chevreaux  ses  mains,  et  la  partie  de  son  col  qui  estoit  sans  poil.  17.  Apres,  elle  bailla  en  la  main  de  son  fils  Iacob,  la  viande  et  le  pain  qu'elle  avoit  appreste.  18.  Lors  il  veint  a  son  pere,  et  luy  dit,  Mon  pere.  Lequel  respondit,  Me  voici:  qui  es-tu  mon  fils?  19.  Et  Iacob  dit  a.  son  pere,  Ie  suis  Esau  ton  premier  ne,  i'ay  fait  ainsi  que  tu  m'avois  dit:  leve-toy  maintenant,  sieds-toy,  et  mange  de  ma  venaison,  afin  que  ton  ame  me  benisse.  20.  Adonc  Isaac  dit  a  son  fils,  Qu'est  ceci  que  tu  en  ayes  si  tost  trouve,  mon  fils?  Et  il  dit,  L'Eternel  ton  Dieu  me  l'a  fait  venir  au  devant.  21.  Derechef  Isaac  dit  a  Iacob,  Mon  fils  approche  toy  maintenant,  et  ie  te  tasteray,  assavoir  si  tu  es  iceluy  mon  fils  Esau,  ou  non.  22.  Iacob  donc  B'approcha  de  son  pere  Isaac,  et  il  le  tasta:  puis  dit,  Ceste  voix  est  la  voix  de  Iacob,  mais  les  mains  sont  les  mains  d'Esau.  23.  Et  il  le  mescognut:  car  ses  mains  estoyent  velues  comme  les  mains  de  son  frere  Esau:  adonc  il  le  benit,  24.  Disant,  Es  tu  toy  mon  fils  Esau?  Et  il  respondit,  Ie  le  suis.  Puis  dit,  25.  Approche  toy  de  moy  et  que  ie  mange  de  la  venaison  de  mon  fils,  afin  que  mon  ame  te  benisse.  Et  il  luy  presenta,  et  puis  en  mangea.  Il  luy  apporta  aussi  du  vin,  et  il  beut.  26.  Apres,  Isaac  son  pere  luy  dit,  approche-  toy  maintenant,  et  me  baise,  mon  fils.  27.  Et  il  s'approcha  et  le  baisa.  Adonc  il  sentit