54:41  SUR  LA  SECONDE  A  TIMOTHEE.  42  precieux,  c'est  ascavoir  son  Evangile,  combien  qu'il  soit  reiette  de  la  plus-part  du  monde.  Oar  il  faut  que  les  hommes  nous  soyent  comme  fiente  et  ordure,  et  que  nous  les  ayons  comme  detestables  quand  ils  s'elevent  contre  celuy  auquel  appartient  toute  gloire  et  toute  maieste  a  iamais.  Or  nous-nous  prosternerons  devant  la  face  de  nostre  bon  Dieu,  etc.  QUATRIEME  SERMON.  Chap.  I,  v.  8.9.  Combien  qu'en  l'Evangile  Dieu  monstre  sa  gloire  et  maieste  pour  estre  adore  de  tout  le  monde,  si  est-ce  que  l'ingratitude  des  hommes  est  telle  que  nous  avons  besoin  d'estre  exhortez  de  n'avoir  point  honte  de  l'Evangile.  Et  pourquoy?  Car  combien  que  Dieu  appelle  toutes  creatures  a  soy  pour  luy  faire  hommage,  la  plus-part  luy  sont  rebelles,  le  mesprisent,  et  mesmes  despitent  la  doctrine  par  laquelle  il  vouloit  estre  cognu  et  adore.  Or  combien  que  les  hommes  soyent  si  pervers  que  de  s'elever  contre  leur  Createur,  retenons  neantmoins  ce  qui  nous  est  monstre  en  ce  passage,  c'est  que  nous  ne  devons  point  avoir  honte  de  l'Evangile.  Et  pourquoy?  Car  c'est  le  tesmoignage  de  nostre  Dieu:  c'est  qu'en  ce  que  nous  tenons  de  luy,  il  soit  presche,  que  le  tout  se  rapporte  a  ceste  fin,  qu'il  soit  cognu  et  glorifie  ainsi  qu'il  le  merite.  Or  si  l'Evangile  ne  se  presche,  voila  Iesus  Christ  qui  est  comme  enseveli:  il  faut  donc  qu'il  y  ait  bon  tesmoignage:  et  il  nous  l'a  ici  rendu.  Et  pourtant  faisons  luy  cest  honneur,  quand  nous  verrons  tout  le  monde  ainsi  desborde  (comme  nous  avons  dit),  de  nous  tenir  tousiours  a  ceste  saine  doctrine.  Et  mesmes  sainct  Paul  nous  met  ici  sa  personne  en  avant:  non  pas  qu'il  luy  chalust  beaucoup  d'estre  approuve,  mais  pource  que  si  tost  qu'on  se  separe  des  serviteurs  de  Dieu,  on  est  tout  esbahi  que  le  Maistre  est  aussi  bien  laisse  et  abandonne.  De  prime  face,  quand  il  y  aura  quelque  ministre  de  la  parole  de  Dieu  qui  sera  tourmente  et  fasche,  et  endurera  persecution,  si  on  ne  laisse  au  besoin,  on  ne  pensera  faillir  qu'a  un  homme  mortel:  mais  Dieu  se  sent  offense,  d'autant  que  cest  homme  qui  endure,  porte  la  marque  de  l'Evangile,  et  c'est  autant  comme  si  la  cause  de  Dieu  estoit  trahie.  Sainct  Paul  donc  voyant  cela,  notamment  dit  a  Timothee,  N'aye  point  honte  de  moy.  Et  de  faict  (comme  desia  nous  avons  touche)  on  pouvoit  se  mocquer  de  Timothee,  et  le  renvoyer  a  son  maistre:  comme  les  meschans  scauront  bien  faire  leur  profit,  quand  Dieu  humilie  ses  serviteurs,  et  permet  qu'ils  soyent  iniustement  affligez,  qu'on  s'eleve  contre