53:41  41  SUR  LA  PREMIERE  A  TIMOTHEE.  42  QUATRIEME  SERMON.  Chap.  I,  v.  5.7.  Nous  avons  veu  ce  matin  comme  nous  devons  profiter  en  la  Loy  de  Dieu,  et  pourquoy  aussi  elle  nous  est  donnee,  c'est  ascavoir  que  nous  soyons  fondez  en  la  grace  de  nostre  Dieu  pour  esperer  salut  de  luy,  et  que  nous  cheminions  en  sa  presence  avec  telle  rondeur  et  integrite  qu'on  cognoisse  que  c'est  a  bon  escient  que  nous  avons  este  enseignez  en  son  escole:  et  puis,  que  nous  con  versions  avec  nos  prochains  sans  fraude,  ne  malice,  ni  outrage,  mais  qu'un  chacun  tasche  de  servir  a  ceux  avec  lesquels  il  vit,  et  qu'en  somme  nous  cognoissions  que  Dieu  nous  a  avouez  pour  ses  enfans,  afin  que  nous  ayons  une  droite  fraternite.  Or  sainct  Paul  ayant  mis  la  somme  de  la  Loy,  adiouste  que  plusieurs  s'estans  destournez  de  ��a,  5e  sont  convertis  a  vanite  de  propos.  Il  use  ici  d'une  similitude  prinse  de  ceux  qui  tirent  de  Tare  ou  de  'arbaleste,  ou  de  la  haquebute:  car  ils  ont  leur  blanc,  et  ne  tirent  pas  a  l'aventure  ni  a  l'esgaree,  ains  visent  au  but.  Sainct  Paul  donc  nous  monstre  que  Dieu,  en  nous  donnant  sa  Loy,  nous  a  voulu  donner  un  chemin  eertain,  afin  que  nous  ne  soyons  point  suiets  a  errer  comme  gens  vagabons.  Et  de  fait  ce  n'est  pas  sans  cause  que  Moyse  proposoit,  Yoici  le  chemin,  marchez:  comme  s'il  disoit  que  les  hommes  ne  scavent  ou  ils  en  sont,  iusques  a  ce  que  Dieu  leur  ait  declare  sa  volonte  :  mais  alors  ils  ont  une  regle  infallible.  Notons  bien  donc  que  Dieu  nous  veut  addresser  tellement  que  nous  ne  pourrons  pas  nous  forvoyer,  moyennant  que  nous  le  tenions  pour  nostre  guide,  selon  qu'il  est  prest  et  appareille  de  faire  cest  office,  quand  nous  ne  reietterons  point  une  telle  grace.  Voila  que  sainct  Paul  a  voulu  signifier  par  ceste  similitude:  comme  il  est  dit  que  tous  ceux  qui  n'ont  point  ce  but  de  s'appuyer  sur  la  grace  de  Dieu,  afin  qu'ils  puissent  reclamer  Dieu  leur  Pere,  et  qu'ils  puissent  attendre  salut  de  luy,  et  qui  ne  cheminent  pas  en  bonne  conscience,  et  d'un  coeur  pur  avec  leurs  prochains,  que  ceux-la  sont  comme  gens  esgarez  et  forvoyez.  Or  qu'avient-il  a  ceux  qui  sont  ainsi  vagabons,  et  qui  se  veulent  espargner  a  leur  escient  en  leurs  vaines  fantasies?  Il  n'y  a  plus  que  vanite,  dit  sainct  Paul.  Il  use  ici  d'un  mot  qui  emporte  qu'en  tous  leurs  propos  il  n'y  a  rien  de  ferme,  il  n'y  a  nulle  substance,  ce  n'est  que  vent.  Il  est  vray  qu'il  y  aura  quelque  apparence:  mais  c'est  comme  d'une  vessie  qui  sera  enflee,  ou  une  confie  (qu'on  appelle  ici:)  mais  cependant  quelle  fermete  y  a-il,  ou  quelle  substance?  Il  n'y  a  rien  qui  soit,  il  ne  faut  que  la  pointe  d'une  espingle  pour  tout  crever,