51:41  41  SUR  L'EPITRE  AUX  GALATES.  42  les  choses  ne  soyent  point  confuses,  et  que  les  hommes  ne  soyent  point  comme  du  tout  abrutis.  Dieu  donc  gouverne  tellement  les  incredules  que  toutes  leurs  vertus  (quoy  qu'il  en  soit)  ne  laissent  pas  d'estre  vicieuses.  Et  puis  a  la  premiere  occasion  quand  Dieu  leur  laschera  la  bride,  ils  seront  addonnez  a  tout  mal.  Si  on  dit  que  les  fideles  se  pourroyent  aussi  bien  desbaucher:  voire  mais  Dieu  leur  a  promis  de  les  fortifier  en  perseverance:  et  puis  il  y  a  grande  diversite  entre  les  enfans  de  Dieu  qui  sont  gouvernez  par  son  Esprit,  et  les  incredules  qui  sont  encores  charnels:  car  les  enfans  de  Dieu  ont  ceste  intention  et  ce  but  de  se  dedier  a  luy  pour  estre  vrayement  purifiez  par  sa  grace  :  les  autres  cheminent  a  l'abandon,  et  quand  ils  font  bien,  a  grand'peine  scauront-ils  pourquoy.  Ils  diront  bien,  vertu:  cependant  ils  ne  tendent  point  a  Dieu,  mais  en  sont  du  tout  eslongnez.  Voila  donc  en  somme  ce  que  nous  avons  a  retenir  de  ce  passage.  Or  de  l'autre  coste  sainct  Paul  dit  que  les  fruicts  de  l'esprit  sont  ioye,  paix,  douceur,  humanite,  patience  et  choses  semblables:  comme  s'il  disoit  que  voyans  nostre  perversite  si  grande,  voyans  qu'il  n'y  a  en  nous  que  mal  et  corruption,  que  nous  aurons  assez  a  nous  exercer  et  a  n'estre  point  oisifs  en  toute  nostre  vie,  quand  il  nous  faudra  batailler  contre  nos  vices,  nous  trouverons  la  assez  pour  nous  employer  et  iour  et  nuict.  Aussi  d'autre  coste  quand  il  nous  est  commande  d'estre  humains  et  debonnaires  5  qu'il  nous  est  commande  de  vivre  sobrement  et  en  toute  chastete,  et  apres  de  nous  preserver  de  toute  pollution,  pour  nous  dedier  a  Dieu  comme  en  sacrifice,  et  nous  abstenir  de  toute  nuisance:  mais  plustost  au  lieu  de  cercher  nostre  profit,  de  faire  tout  ce  qui  nous  sera  possible  pour  secourir  et  aider  a  ceux  qui  ont  faute  de  nous:  quand  nous  voyons  que  tout  cela  nous  est  commande,  est-il  possible  d'en  venir  a  bout?  Nenni:  mais  il  est  question  que  nous  soyons  comme  ravis  au  ciel  pour  approcher  de  Dieu,:  car  la  sainctete  qui  est  requise  en  la  Loy,  toutes  les  bonnes  oeuvres,  "que  Dieu  nous  commande,  sont  comme  une  conionction  qu'il  veut  avoir  avec  nous,  et  laquelle  aussi  ii  veut  que  nous  ayons  avec  luy.  Or  maintenant  ou  sont  les  ailes  pour  monter  si  haut?  Car  nous  ne  pouvons  estre  ni  chastes,  ni  benins,  ni  humains,  ni  temperans,  ni  sobres  sinon  renoncant  et  a  ce  monde  et  a  nous,  estans  retirez  de  nostre  naturel.  Or  cela  surmonte  toutes  nos  facultez.  Il  y  a  donc  bien  ici  pour  nous  espouvanter:  mais  voila  pourquoy  sainct  Paul  pour  conclusion  dit  qui  il  n'y  a  point  de  Loy  contre  telles  choses:  c'est  a  dire  que  si  nous  sommes  bien  gouvernez  par  l'Esprit  de  Dieu,  qu'alors  nous  ne  serons  plus