48:41  41  CAPUT  II.  42  24.  Solutis  doloribus.  Per  mortis  dolores  plus  quiddam  intelligo  quam  corporeum  sensum.  Nam  qui  vere  expendunt  mortis  naturam,  quia  audiunt  esse  Dei  maledictionem,  ipsos  Deum  iratum  in  morte  concipere  necesse  est.  Hinc  mirus  horror:  in  quo  plus  mali  est  quam  in  morte  ipsa.  Hac  porro  conditione  mortem  obiit  Christus,  ut  reatum  nostrum  subiret.  Ille  interior  conscientiae1)  metus,  qui  illum  ad  sudorem  usque  sanguineum  expavescere  coegit,  quum  se  sisteret  ad  Dei  tribunal,  multo  plus  illi  anxietatis  et  horroris  attulit  quam  omnes  carnis  cruciatus.  Caeterum,  quod  luctatum  cum  huiusmodi  doloribus  Christum  fuisse  Petrus  docet,  et  victorem  simul  praedicat:  hoc  facit,  ut  nunc  mortem  horrere  non  debeant  fideles.  Neque  enim  eadem  est  nunc  mortis  qualitas,  quae  fuit  in  Adam  :  quoniam  per  Christi  victoriam  absorpta  est  Dei  maledictio.  Sentimus  quidem  adhuc  dolorum  punctiones,  sed  quae  nos  totaliter  non  vulnerant,  dum  fidei  clypeus  opponitur.  Rationem  addit,  quia  possibile  non  erat  Christum  morte  opprimi,  utpote  qui  vitae  autor  est.  25.  David  enim  dicit  de  ipso:  Providebam  Dominum  coram  me  semper:  quoniam  a  dextris  est  mihi,  ne  commovear.  26.  Propter  hoc  laetatum  est  cor  meum,  et  exsultavit  lingua  mea:  quin  et  caro  mea  requiescet  in  spe.  27.  Quoniam  non  derelinques  animam  meam  in  inferno:  nec  permittes  ut  sanctus  tuus  videat  corruptionem.  28.  Notas  mihi  fecisti  vias  vitae,  replebis  me  laetitia  cum  facie  tua.  29.  Viri  fratres,  quando  licet  mihi  cum  fiducia  dicere  apud  vos  de  patriarcha  David,  quod  et  mortuus  est,  et  sepultus,  et  sepulerum  eius  apud  nos  usque  in  hunc  diem:  30.  propheta  ergo  quum  esset:  et  sciret  quod  iureiurando  iurasset  sibi  Deus,  futurum  ut  de  fructu  lumbi  eius,  quoad  carnem,  exoriretur  Christus,  qui  sederet  super  thronum  eius:  31.  praescius  loquutus  est  de  resurrectione  Christi,  quod  non  derelicta  sit  in  inferno  anima  eius,  nec  caro  eius  viderit  corruptionem.  25.  Resurrectio  Christi,  quae  tum  certis  clarisque  vaticiniis  testata  erat,  tum  colligi  poterat  ex  perpetua  prophetarum  doctrina,  quasi  res  nova  et  inaudita  Iudaeis  probanda  fuit.  Nec  mirum.  Videmus  enim,  quum  saepius  eam  discipulis  inculcasset  Christus,  parum  tamen  profecisse.  Et  tamen  retinebant  certa  verae  doctrinae  principia,  quae  aditum  illis  patefacerent  ad  Christi  notitiam:  ut  mox  videbimus.  Quoniam  ergo  fructus  resurrectionis  Christi  erat  donum  spiritus,  confirmat  Davidis  testimonio,  Christum  oportuisse  resurgere:  ut  inde  agnoscant  Iudaei  eum  doni  au  torem.  Sumit  enim  pro  confesso,  fuisse  excitatum  a  morte,  non  ut  sibi,  *)  Sensus.